ഹെഡ് കോച്ച് തോമസ് ടുക്കലിനെ ചെല്‍സി പുറത്താക്കി. പുതിയ ഉടമകള്‍ ക്ലബ് ഏറ്റെടുത്ത് മൂന്നു മാസത്തിന് ശേഷമാണ് നടപടി. ചൊവ്വാഴ്ച രാത്രി ചാമ്പ്യന്‍സ്‌ലീഗില്‍ ടുക്കലിന്റെ കീഴില്‍ കളിച്ച നൂറാം മത്സരത്തില്‍ ടീം പരാജയപ്പെട്ടിരുന്നു. ഡൈനാമോ സാഗ്രബിനെതിരെ എതിരില്ലാത്ത ഒരു ഗോളിനാണ് ചെല്‍സി തോറ്റത്.

ജര്‍മനിയില്‍ നിന്നുള്ള 49കാരനായ തോമസ് 2021 ജനുവരിയിലാണ് ചെല്‍സിയിലെത്തിയത്. ക്ലബിലെ ആദ്യ സീസണില്‍ തന്നെ ചാമ്പ്യന്‍സ് ലീഗ് നേടിയാണ് അദ്ദേഹം വരവറിയിച്ചത്. 202122 കാലയളവില്‍ എഫ്.എ കപ്പിലും കരബാവേ കപ്പിലും ഫൈനലിലെത്തിയ ചെല്‍സി പ്രീമിയര്‍ ലീഗില്‍ മൂന്നാം സ്ഥാനം നേടി.

കഴിഞ്ഞ സമ്മര്‍ ട്രാന്‍സ്ഫര്‍ വിന്‍ഡോയില്‍ ഏറെ പണം ചെലവിട്ട് വെസ്‌ലിം ഫോഫാന, ഔബമേയാങ്, റഹീം സ്‌റ്റെര്‍ലിങ് എന്നിവരെ ചെല്‍സി ടീമിലെത്തിച്ചിരുന്നു.