ദുബൈ:പ്രവാസ ലോകത്തെ ഓണാഘോഷ പരിപാടികള്‍ തുടരുന്നു.അബൂദബിയുടെ വളര്‍ച്ച രേഖപ്പെടുത്തുന്ന കൂറ്റണ്‍ പൂക്കളം ശ്രദ്ധേയമായി. കൂറ്റന്‍ പൂക്കളമൊരുക്കി ആരോഗ്യപ്രവര്‍ത്തകരുടെ വേറിട്ട ഓണാഘോഷം.അബൂദബി മുഹമ്മദ് ബിന്‍ സായിദ് സിറ്റിയിലെ ബുര്‍ജീല്‍ മെഡിക്കല്‍ സിറ്റിയിലാണ് വേറിട്ട ഓണാഘോഷം നടന്നത്. ശൈഖ് സായിദ് ഗ്രാന്‍ഡ് മോസ്‌ക്, പൗരാണിക കൊട്ടാരമായ ഖസ്ര്‍ അല്‍ ഹുസൈന്‍, അല്‍ദാര്‍ ആസ്ഥാന കെട്ടിടം,അല്‍ബഹര്‍,ഇത്തിഹാദ് ടവറുകള്‍ ഉള്‍പ്പെടെയുള്ള ചിത്രീകരിച്ചാണ് പൂക്കളം. 700 കിലോ പൂക്കള്‍ കൊണ്ടാണ് നഗര ചരിത്രം പ്രമേയമാക്കിയ പൂക്കളമൊരുക്കിയത്. തമിഴ്നാട്ടില്‍ നിന്ന് വിമാനമാര്‍ഗമാണ് ആഘോഷത്തിനുള്ള പൂക്കള്‍ എത്തിച്ചത്. 12 രാജ്യങ്ങളില്‍ നിന്നുള്ള നാല്പത്തിനാല് ആരോഗ്യപ്രവര്‍ത്തകര്‍ ചേര്‍ന്ന് തിരുവാതിരയും അവതരിപ്പിച്ചു.