തിരുവനന്തപുരം: സംസ്ഥാനത്തെ സ്വര്‍ണക്കടത്ത് കേസുകളില്‍ സ്വമേധയാ കേസെടുത്ത് ക്രൈംബ്രാഞ്ച്. മോഷണം, തട്ടിക്കൊണ്ടുപോകല്‍, ഗൂഢാലോചന ഉള്‍പ്പടെയുള്ള കുറ്റകൃത്യങ്ങള്‍ പരിശോധിക്കും. എഡി.ജി.പി എസ് ശ്രീജിത്തിന്റെ മേല്‍നോട്ടത്തിലുള്ള സംഘം മേല്‍നോട്ടം വഹിക്കും. മലപ്പുറം ക്രൈം എസ് പി കെ വി സന്തോഷ് കുമാറാണ് കേസ് അന്വേഷിക്കുക.

സ്വര്‍ണം നഷ്ടമായവരോ മര്‍ദ്ദനമേറ്റവരോ പരാതി നല്‍കാന്‍ മുന്നോട്ടുവരത്ത സാഹചര്യത്തിലാണ് ക്രൈംബ്രാഞ്ച് സ്വമേധയാ കേസെടുത്തത്. തീവ്രവാദ വിരുദ്ധ സ്‌ക്വാഡും അന്വേഷണത്തിന്റെ ഭാഗമാകും.