ന്യൂഡല്‍ഹി: മുംബൈയില്‍ നിന്നും നെവാര്‍ക്കിലേക്ക് പുറപ്പെട്ട എയര്‍ ഇന്ത്യാ വിമാനം മുന്‍കരുതലായി കസഖ്‌സ്താനിലിറക്കി. ഇന്ന് പുലര്‍ച്ചെയാണ് കാര്‍ഗോ വിഭാഗത്തിലെ ഫയര്‍ അലാം മുഴങ്ങിയതിനെ തുടര്‍ന്ന് വിമാനം ഇറക്കിയത്.

യാത്രക്കാരെല്ലാവരും സുരക്ഷിതരാണെന്ന് അധികൃതര്‍ അറിയിച്ചു. ഫയര്‍ അലാം മുഴങ്ങിയതിന്റെ കാരണം വിദഗ്ധര്‍ അന്വേഷിച്ചുകൊണ്ടിരിക്കുകയാണ്. എന്നാല്‍ വിമാനത്തില്‍ പുകയോ തീപിടുത്തമോ ഒന്നും ഉണ്ടായിട്ടില്ല. കാര്‍ഗോയില്‍ പെട്ടന്ന് നശിക്കുന്ന വസ്തുക്കള്‍ ഉണ്ടെങ്കിലും ഫയര്‍ അലാം മുഴങ്ങാറുണ്ടെന്ന് എയര്‍ലൈന്‍ അധികൃതര്‍ പറഞ്ഞു.

മുംബൈ വിമാനത്താവളത്തില്‍ നിന്നും പുലര്‍ച്ചെ 2.25 ഓടെയാണ് വിമാനം പുറപ്പെട്ടത്. രാവിലെ എട്ട് മണിയോടെയാണ് വിമാനം കസഖ്‌സ്താനില്‍ ഇറക്കിയത്.