രാജ്യത്തെ 10 എന്‍.ഐ.ടികളിലും ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫര്‍മേഷന്‍ ടെക്‌നോളജി (ഐ.ഐ.ഐ.ടി) ഭോപാലിലും ഈ വര്‍ഷത്തെ മാസ്റ്റര്‍ ഓഫ് കമ്പ്യൂട്ടര്‍ ആപ്ലിക്കേഷന്‍സ് (എം.സി.എ) പ്രോഗ്രാമിലേക്കുള്ള പൊതുപ്രവേശന പരീക്ഷ 'നിംസെറ്റ് 2024'  ജൂണ്‍ 8ന് ഉച്ചക്ക് ശേഷം '2-4 മണി വരെ ദേശീയ തലത്തില്‍ നടത്തും. കേരളത്തില്‍ കോഴിക്കോട് പരീക്ഷ കേന്ദ്രമാണ്. എന്‍.ഐ.ടി ജംഷഡ്പൂരാണ് പരീക്ഷ സംഘടിപ്പിക്കുന്നത്. എന്‍.ഐ.ടി തിരുച്ചിറപ്പള്ളി, വാറങ്കല്‍, സുരത്കല്‍, റായ്പൂര്‍, കുരുക്ഷേത്ര, ജംഷഡ്പൂര്‍, ഭോപാല്‍, അലഹബാദ്, അഗര്‍ത്തല, പാറ്റ്‌ന എന്നിവിടങ്ങളിലാണ് എം.സി.എ കോഴ്‌സുള്ളത്. 

യോഗ്യത
മാത്തമാറ്റിക്‌സ്/ സ്റ്റാറ്റിസ്റ്റിക്‌സ് ഒരു വിഷയമായി പഠിച്ച് മൊത്തം 60 ശതമാനം മാര്‍ക്കില്‍/ 6.5 സി.ജി.പി.എയില്‍ കുറയാതെ ബിരുദം അല്ലെങ്കില്‍ ബി.ഇ/ ബി.ടെക്, എസ്.സി/ എസ്.ടി/ പിഡബ്ല്യൂബിഡി വിഭാഗങ്ങളില്‍പ്പെടുന്നവര്‍ക്ക് 55% മാര്‍ക്ക്/6.0 സി.ജി.പി.എ മതിയാകും. ഫൈനല്‍ യോഗ്യത പരീക്ഷയെഴുതുന്നവരെയും പരിഗണിക്കും. 

അപേക്ഷ ഫീസ് 2500 രൂപ. എസ്.സി/ എസ്.ടി/ പിഡബ്ല്യൂബിഡി വിഭാഗങ്ങള്‍ക്ക് 1250 രൂപ മതി. നിംസെറ്റ് 2024 വിജ്ഞാപനവും ഇന്‍ഫര്‍മേഷന്‍ ബ്രോഷറും www.nimcet.in, https://nimcet.admissions.nic.in - എന്നീ വെബ്‌സൈറ്റുകളില്‍ ലഭിക്കും. ഏപ്രില്‍ 20 വൈകീട്ട് 5 മണിവരെ നിര്‍ദേശാനുസരണം ഓണ്‍ലൈനായി അപേക്ഷിക്കാം. 

വിവിധ എന്‍.ഐ.ടികളിലും ഐ.ഐ.ഐ.ടി ഭോപാലിലുമായി ആകെ 1033 സീറ്റുകളാണ് എം.സി.എ കോഴ്‌സിനുള്ളത്. ദേശീയതലത്തിലാണ് നിംസെറ്റ് റാങ്കടിസ്ഥാനത്തില്‍ പ്രവേശനം. എസ്.സി/ എസ്.ടി/ ഒബിസി/ ഇഡബ്ല്യൂഎസ്/ പഡബ്ല്യൂബിഡി വിഭാഗങ്ങള്‍ക്ക് സീറ്റുകളില്‍ സംവരണമുണ്ട്. കുരുക്ഷേത്ര, പാറ്റ്‌ന എന്‍.ഐ.ടികളില്‍ സെല്‍ഫ് ഫിനാന്‍സിങ് സീറ്റുകള്‍ ലഭ്യമാണ്. 

നിംസെറ്റില്‍ മാത്തമാറ്റിക്‌സ്, അനലറ്റിക്കല്‍ എബിലിറ്റി ആന്റ് ലോജിക്കല്‍ റീസണിങ്, കമ്പ്യൂട്ടര്‍ അവയര്‍നെസ്, ജനറല്‍ ഇംഗ്ലീഷ് വിഷയങ്ങളിലായി മള്‍ട്ടിപ്പിള്‍ ചോയിസ് മാതൃകയില്‍ 120 ചോദ്യങ്ങളുണ്ടാവും. 1000 മാര്‍ക്കിനാണ് പരീക്ഷ. ജൂണ്‍ 25ന് ഫലപ്രഖ്യാപനമുണ്ടാവും. നിംസെറ്റ് റാങ്കടിസ്ഥാനത്തില്‍ പ്രത്യേക കൗണ്‍സിലിങ് നടത്തിയാണ് അഡ്മിഷന്‍. കൗണ്‍സിലിങ്, അലോട്ട്‌മെന്റ് ഷെഡ്യൂളുകള്‍ക്ക് ഇന്‍ഫര്‍മേഷന്‍ ബ്രോഷര്‍ കാണുക. 

വിശദമായ വിജ്ഞാപനം: click here

ഓണ്‍ലൈന്‍ അപേക്ഷ ഏപ്രില്‍ 20 വരെ. 

വിദ്യാഭ്യാസ വാര്‍ത്തകള്‍ വാട്‌സ്ആപ്പില്‍ ലഭിക്കാന്‍ ഇവിടെ ക്ലിക് ചെയ്യുക