വില്യാപ്പള്ളി: പള്ളി ദര്‍സുകള്‍ സമുദായത്തിന്റെ പാരമ്പര്യത്തിന്റെ അടയാളമാണെന്ന് സമസ്ത കേന്ദ്ര മുശാവറ അംഗം വില്യാപ്പള്ളി ഇബ്‌റാഹിം മുസ്‌ലിയാര്‍. തന്‍വീറുല്‍ ഇസ്‌ലാം അല്‍ മഹ്‌ളിറത്തുല്‍ ജലാലിയ ദര്‍സ് യൂനിയന്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഹമദാനിയ്യ ഇസ്‌ലാമിക് സ്റ്റുഡന്റ്‌സ് അസോസിയേഷന്റെ ഈ വര്‍ഷത്തെ പ്രവര്‍ത്തനോദ്ഘാടനവും അദ്ദേഹം നിര്‍വഹിച്ചു.
ആര്‍. യൂസുഫ് ഹാജി അധ്യക്ഷനായി. ജഅ്ഫര്‍ ദാരിമി വാണിമേല്‍ മുഖ്യപ്രഭാഷണം നടത്തി. മുഹമ്മദലി റഹ്മാനി പുല്‍വെട്ട, നൗഫല്‍ ഫൈസി, കാര്യാട്ട് കുഞ്ഞമ്മദ് മാസ്റ്റര്‍, ആര്‍.കെ അബ്ദുല്ല ഹാജി, ടി.ടി കുഞ്ഞബ്ദുല്ല ഹാജി, വട്ടക്കണ്ടി കുഞ്ഞമ്മദ്, കെ.സി കുഞ്ഞബ്ദുല്ല ഹാജി, നവാസ് കോറോത്ത്, എം. മുഹമ്മദ്, കെ.എം ഹസ്ബുല്ല സംസാരിച്ചു.