ദുബൈ: ഞായറാഴ്ച രാത്രി അന്തരിച്ച വ്യവസായിയും അറ്റ്‌ലസ് ഗ്രൂപ്പ് ചെയര്‍മാനുമായ അറ്റ്‌ലസ് രാമചന്ദ്രനു വിട. ഇന്ന് വൈകിട്ട് 5.30നു (പ്രാദേശിക സമയം) ജബല്‍ അലി ഹിന്ദു ക്രിമേഷന്‍ സെന്ററില്‍ (ന്യൂ സോനാപ്പൂര്‍) ആണു സംസ്‌കാര ചടങ്ങുകള്‍ നടന്നത്.
ഭാര്യയും മക്കളും അടുത്ത ബന്ധുക്കളും സാമൂഹികപ്രവര്‍ത്തകരും മാത്രമാണ് ചടങ്ങുകളില്‍ സംബന്ധിച്ചത്. മരണശേഷം കൊവിഡ് സ്ഥിരീകരിച്ചതിനാല്‍ ദുബൈ സര്‍ക്കാരിന്റെ കൊവിഡ് മാനദണ്ഡങ്ങള്‍ അനുസരിച്ചാണ് സംസ്‌കാര ചടങ്ങുകള്‍ നടന്നത്.