കണ്ണൂര്‍: സുപ്രഭാതം വാര്‍ഷിക വരിക്കാരെ ചേര്‍ക്കല്‍ ക്യാംപയിന്റെ ഭാഗമായി ജില്ലയിലെ 41 റെയിഞ്ച് നിര്‍വാഹസമിതി യോഗങ്ങള്‍ നാളെ നടക്കും. അതാതു മേഖലകളിലെ സദര്‍ മുഅല്ലിംകളും റെയ്ഞ്ച് എക്‌സിക്യൂട്ടീവ് അംഗങ്ങളുമാണു പങ്കെടുക്കേണ്ടത്. മേഖലാ കോ ഓര്‍ഡിനേറ്റര്‍ക്കു പുറമെ സുപ്രഭാതം പ്രതിനിധികളും പങ്കെടുക്കും. റെയ്ഞ്ച് ഭാരവാഹികളും സദര്‍ മുഅല്ലിംകളും റെയ്ഞ്ച് എക്‌സിക്യൂട്ടീവുമാരും വരിക്കാരുടെ ലിസ്റ്റും വരിസംഖ്യയുമായി പങ്കെടുക്കണമെന്നു ജംഇയ്യത്തുല്‍ മുഅല്ലിമീന്‍ ജില്ലാ നേതാക്കളായ മാണിയൂര്‍ അബ്ദുറഹ്മാന്‍ ഫൈസി, അബ്ദുസമദ് മുട്ടം, ഷുക്കൂര്‍ ഫൈസി എന്നിവര്‍ അറിയിച്ചു.  രാവിലെ 10.30ന് കണ്ണൂര്‍, സിറ്റി, ചാലാട്, കക്കാട്, പാപ്പിനിശ്ശേരി, വളപട്ടണം റെയിഞ്ചുകള്‍ - കണ്ണൂര്‍ ഇസ്‌ലാമിക് സെന്റര്‍. ഉച്ചയ്ക്കു 2.30ന് കമ്പില്‍, മയ്യില്‍, കണ്ണാടിപ്പറമ്പ് റെയിഞ്ചുകള്‍ - കമ്പില്‍ മദ്‌റസ. മുണ്ടേരി, മൗവഞ്ചേരി, അഞ്ചരക്കണ്ടി, എടക്കാട് റെയിഞ്ചുകള്‍-മൗവഞ്ചേരി മദ്‌റസ.