കല്‍പ്പറ്റ: വയനാട്ടില്‍ നിന്ന് കാണാതായ സി.ഐയെ തിരുവനന്തപുരത്ത് കണ്ടെത്തി. പനമരം പൊലിസ് സ്റ്റേഷനിലെ ഹൗസ് ഓഫിസറായ ഇന്‍സ്‌പെക്ടര്‍ കെ.എ എലിസബത്തിനെ(54) ആണ് കാണാതായത്.

തിങ്കളാഴ്ച്ച കോടതി ഡ്യൂട്ടിക്കായി പാലക്കാട്ടേക്ക് പോയ സി.ഐയെ കാണാതാവുകയായിരുന്നു. തിങ്കളാഴ്ച്ച രാത്രി പത്തരയോടെ കോഴിക്കോട്ടെ ഒരു എ.ടി.എം കൗണ്ടറില്‍ നിന്ന് പണം എടുത്തു. തുടര്‍ന്ന് മാനാഞ്ചിറയില്‍ നിന്ന് ബസില്‍ കയറിയതായും സ്ഥിരീകരിച്ചിരുന്നു. പിന്നീട് എവിടേക്കാണ് പോയതെന്ന് വിവരമില്ലായിരുന്നു. ഔദ്യോഗിക നമ്പര്‍ ഉള്‍പ്പെടെ സ്വിച്ച് ഓഫായിരുന്നു. തുടര്‍ന്ന് നടത്തിയ അന്വേഷണത്തിലാണ് തിരുവനന്തപുരത്ത് നിന്ന് കണ്ടെത്തിയത്.