ന്യൂഡല്‍ഹി: ഇത്തവണ പാര്‍ലമെന്റിന്റെ വര്‍ഷകാല സമ്മേളനം ചേര്‍ന്നത് വെറും 18 മണിക്കൂര്‍. 107ല്‍ ബാക്കി 89 മണിക്കൂറും പാഴായതായാണ് റിപ്പോര്‍ട്ടുകള്‍. ഇതുവഴി 133 കോടിയുടെ നഷ്ടമാണ് ഇത്തവണ പാര്‍ലമെന്റിന്റെ വര്‍ഷകാല സമ്മേളനം രാജ്യത്തിന് വരുത്തി വെച്ചിരിക്കുന്നത്.

നിശ്ചയിച്ച സമയത്തിന്റെ 17 ശതമാനം മാത്രമാണ് മഴക്കാല സമ്മേളനത്തില്‍ ഇതുവരെ പാര്‍ലമെന്റിന് പ്രവര്‍ത്തിക്കാനായതെന്ന് കേന്ദ്ര സര്‍ക്കാര്‍വൃത്തങ്ങള്‍ അറിയിക്കുന്നു.

പെഗാസസ് ഉള്‍പ്പെടെ വിവിധ വിഷയങ്ങള്‍ ഉന്നയിച്ച് സമ്മേളനത്തിന്റെ തുടക്കം മുതല്‍ പ്രതിപക്ഷകക്ഷികള്‍ ഇരുസഭകളും സ്തംഭിപ്പിച്ചതിനാല്‍ ആകെ 18 മണിക്കൂര്‍ മാത്രമാണ് പ്രവര്‍ത്തിക്കാനായത്. ഇരു സഭകള്‍ക്കും കൂടെ 107 മണിക്കൂറായിരുന്നു നിശ്ചയിച്ച പ്രവര്‍ത്തനസമയം. 54 മണിക്കൂറില്‍ ഏഴുമണിക്കൂറാണ് ലോക് സഭ പ്രവര്‍ത്തിച്ചത്. അതേസമയം, 53 മണിക്കൂറില്‍ 11 മണിക്കൂറാണ് രാജ്യസഭക്ക് പ്രവര്‍ത്തിക്കാനായത്.