സതാംപ്ടന്‍: പാകിസ്താനെതിരായ ഏകദിന പരമ്പരയിലെ ആദ്യ മത്സരത്തില്‍ ഇംഗ്ലണ്ടിന് ജയം. ഡേലൈറ്റ് നിയമപ്രകാരം 44 റണ്‍സിനായിരുന്നു ഇംഗ്ലണ്ടിന്റെ ജയം. പാകിസ്താന്‍ ഉയര്‍ത്തിയ 261 റണ്‍സ് വിജയലക്ഷ്യം പിന്തുടര്‍ന്ന ഇംഗ്ലണ്ട് 34.3 ഓവറില്‍ മൂന്നുവിക്കറ്റിന് 194 റണ്‍സെടുത്തു നില്‍ക്കെ മഴയെത്തുകയായിരുന്നു. തുടര്‍ന്ന് വിജയലക്ഷ്യം പുനര്‍ നിര്‍ണയിച്ചപ്പോള്‍ വിജയലക്ഷ്യത്തിനും 44 റണ്‍സ് മുന്നിലായിരുന്നു ഇംഗ്ലണ്ട്. ജേസന്‍ റോയ്(65) ജോ റൂട്ട്(61) എന്നിവരുടെ അര്‍ധസെഞ്ച്വറികളാണ് ഇംഗ്ലണ്ടിനെ ജയം നേടാന്‍ സഹായിച്ചത്. ജയത്തോടെ അഞ്ചു മത്സരങ്ങളുടെ പരമ്പരയില്‍ 1-0ന് മുന്നിലെത്താന്‍ ഇംഗ്ലണ്ടിന് സാധിച്ചു.