റിയാദ്: സഊദിയില്‍ വസ്തു വാങ്ങുന്നതിന് പ്രവാസികള്‍ പാലിക്കേണ്ട മാനദണ്ഡങ്ങള്‍ വ്യക്തമാക്കി അബ്ഷിര്‍ പ്ലാറ്റ്‌ഫോം.
രാജ്യത്തെ വിദേശികള്‍ക്ക് ഭൂമിയോ കെട്ടിടങ്ങളോ സ്വന്തമാക്കുന്നതിന് റിയല്‍ എസ്‌റ്റേറ്റ് ഉടമാവകാശം സ്വന്തമാക്കാന്‍ അബ്ഷിര്‍ വഴി അപേക്ഷിക്കുന്നതിന് മൂന്ന് നിബന്ധനകള്‍ പാലിക്കണം. വിദേശിക്ക് സാധുവായതും കാലഹരണപ്പെടാത്തതുമായ റെസിഡന്‍സി ഐ.ഡി(മുഖീം) ഉണ്ടായിരിക്കണം. വാങ്ങാന്‍ ഉദ്ദേശിക്കുന്ന വസ്തുവിന്റെ പൂര്‍ണവിവരങ്ങളും അതുസംബന്ധിച്ച കരാറും ഉണ്ടായിരിക്കണം. ഒരു വിദേശിക്ക് ഒരു പ്രോപര്‍ട്ടി മാത്രമേ വാങ്ങാന്‍ സാധിക്കൂ. അബ്ഷിര്‍ പ്ലാറ്റ്‌ഫോമില്‍ എന്റെ സേവനങ്ങള്‍(ഖിദ്മതി) ആക്‌സസ് ചെയ്ത് സേവനങ്ങള്‍(ഖിദ്മാത്) എന്നതില്‍ കയറി പൊതുസേവനങ്ങള്‍ (അല്‍-ഖിദ്മാത്തുല്‍ ആമ്മ) എന്നതിലെ അപേക്ഷ എന്നതില്‍ പ്രവേശിച്ച് സേവനം പ്രയോജനപ്പെടുത്താമെന്ന് അബ്ഷര്‍ അറിയിച്ചു.