ദോഹ: ഏഷ്യന്‍കപ്പ് ഫുട്‌ബോളിനുള്ള ടിക്കറ്റ് വില്‍പ്പനക്ക് ഒക്ടോബര്‍ 10ന് തുടക്കമാവും. ലോകകപ്പിന് ശേഷം ഏഷ്യകപ്പ് ഫുട്‌ബോളിന് ആധിപത്യം വഹിക്കുന്ന ഖത്തര്‍, ടൂര്‍ണമെന്റ് ഭംഗിയായി സംഘടിപ്പിക്കുമെന്നാണ് സംഘാടകര്‍ അവകാശപ്പെടുന്നത്.25 റിയാല്‍ മുതലാണ് ഏഷ്യന്‍കപ്പിനുള്ള ടിക്കറ്റുകള്‍, ലഭ്യമാകുന്നത് എന്നാണ് സംഘാടകര്‍ അറിയിക്കുന്നത്. ദോഹയില്‍ നടന്ന വാര്‍ത്ത സമ്മേളനത്തിലാണ് ഏഷ്യന്‍കപ്പ് ഫുട്‌ബോളിനെക്കുറിച്ചുള്ള കൂടുതല്‍ വിവരങ്ങള്‍ സംഘാടക സമിതി വെളിപ്പെടുത്തിയിരിക്കുന്നത്.

നാല് കാറ്റഗറികളിലായാണ് ഏഷ്യന്‍കപ്പ് ഫുട്‌ബോളിനുള്ള ടിക്കറ്റുകള്‍ ലഭ്യമാകുന്നത്. ഓണ്‍ലൈന്‍ വഴിയാണ് ടിക്കറ്റുകള്‍ വാങ്ങാന്‍ സാധിക്കുന്നത്. https://afc.hayya.qa/en എന്ന ലിങ്കിലൂടെയാണ് മത്സരങ്ങള്‍ കാണുന്നതിനുള്ള ടിക്കറ്റുകള്‍ സ്വന്തമാക്കാന്‍ സാധിക്കുന്നത്. ഏറ്റവും കുറഞ്ഞ നിരക്കിലായിരിക്കും ഏഷ്യന്‍കപ്പ് ഫുട്‌ബോള്‍ മത്സരങ്ങള്‍ കാണാന്‍ സാധിക്കുക എന്നാണ് സംഘാടക സമിതി മാര്‍ക്കറ്റിങ് ആന്‍ഡ് കമ്മ്യൂണിക്കേഷന്‍ എക്‌സിക്യൂട്ടീവ് ഡയറക്ടറായ ഹസന്‍ റബിഅ അല്‍ ഖുവാരി മാധ്യമങ്ങളെ അറിയിച്ചിരിക്കുന്നത്.

Content Highlights:Asian Cup Football Ticket Sales started from October 10