സാന്‍ഫ്രാന്‍സിസ്‌കോ: യു.എസ് സ്പീക്കര്‍ നാന്‍സി പെലോസിയുടെ വസതിയില്‍ അതിക്രമിച്ച് കടന്ന് ഭര്‍ത്താവ് പോള്‍ പെലോസിയെ ആക്രമിച്ച പ്രതിയെ പിടികൂടി. ജഡേവിഡ് ഡിപാപ് എന്നയാളെ യു.എസ് ഫെഡറല്‍ പൊലിസാണ് അറസ്റ്റ് ചെയ്തത്.

കഴിഞ്ഞ വെള്ളിയാഴ്ച നാന്‍സി പെലോസി വിദേശത്തായിരുന്ന സമയത്താണ് അക്രമി വീട്ടിലെത്തിയത്. നാന്‍സി എവിടെയെന്ന് ആക്രോശിച്ച് 82കാരന്റെ തലയ്ക്ക് ചുറ്റിക കൊണ്ട് അടിക്കുകയായിരുന്നു. കൈക്കും പരുക്കേറ്റു. നാന്‍സിയെ തട്ടിക്കൊണ്ടുപോകാനായിരുന്നു പ്രതിയുടെ നീക്കമെന്ന് കരുതുന്നു. നരഹത്യശ്രമം, മാരകായുധം ഉപയോഗിച്ചുള്ള ആക്രമണം, വയോധികരെ ആക്രമിക്കല്‍, മോഷണ ശ്രമം തുടങ്ങി 30 വര്‍ഷം വരെ തടവ് ലഭിക്കാവുന്ന വകുപ്പുകള്‍ പ്രതിക്കെതിരേ ചുമത്തി.