ഉദുമ: മാങ്ങാട്ടെ സി.പി.എം പ്രവര്‍ത്തകന്‍ ബാലകൃഷ്ണനെ വെട്ടിക്കൊലപ്പെടുത്തിയ കേസിലെ രണ്ടാം പ്രതിയായ മാങ്ങാട്ടെ യൂത്ത് കോണ്‍ഗ്രസ് പ്രവര്‍ത്തകനെ വെട്ടിക്കൊലപ്പെടുത്താന്‍ ശ്രമം.  മാങ്ങാട് ആര്യടുക്കത്തെ ശ്യാമിനാണു(26) ഗുരുതരമായി പരുക്കേറ്റത്. ഇദ്ദേഹത്തെ മംഗളൂരുവിലെ ആശുപത്രിയില്‍ പ്രവേശിപ്പിച്ചു.
         ഇന്നലെ രാത്രി 8.15 ഓടെയായിരുന്നു സംഭവം. കടയിലേക്കു പോകുകയായിരുന്ന ശ്യാമിനെ ഉദുമ ടൗണില്‍ വച്ച് ആറോളം ബൈക്കുകളിലായെത്തിയ സംഘമാണു വെട്ടിക്കൊല്ലാന്‍ ശ്രമിച്ചത്.
കാലിനും കൈയ്ക്കും ഗുരുതരമായ പരുക്കുണ്ട്. വിവരമറിഞ്ഞെത്തിയ ആംബുലന്‍സ് ഡ്രൈവര്‍ ഹസനാണു ഇദ്ദേഹത്തെ ആശുപത്രിയിലെത്തിച്ചത്. ബാലകൃഷ്ണന്‍ വധക്കേസില്‍ റിമാന്‍ഡിലായിരുന്ന ശ്യാം ജാമ്യത്തിലിറങ്ങിയതായിരുന്നു.