നെടുമ്പാശ്ശേരി: കാടുപിടിച്ച് കിടന്ന പറമ്പിലെ കിണറ്റില്‍ വീണ പോത്തിന് ഫയര്‍ഫോഴ്‌സ് രക്ഷകരായി.
ചെങ്ങമനാട് പഞ്ചായത്തിലെ പുതുവാശ്ശേരിയിലാണ് പോത്ത് കാല്‍ വഴുതി പന്ത്രണ്ട് അടിയോളം താഴ്ച്ചയുള്ള കിണറ്റില്‍ വീണത്.
ഉപയോഗശൂന്യമായ കിണറ്റില്‍ ചെളിയും അഴുക്കുവെള്ളവുമായിരുന്നു.പോത്തിനെ കരയ്ക്ക് കയറ്റാനുള്ള നാട്ടുകാരുടെ ശ്രമം പരാജയപ്പെട്ടപ്പോഴാണ് ഫയര്‍ഫോഴ്‌സിനെ വിവരമറിയിച്ചത്.ആലുവയില്‍ നിന്നും എത്തിയ ഫയര്‍ഫോഴ്‌സ് സംഘം നടത്തിയ രണ്ട് മണിക്കൂര്‍ നീണ്ട ശ്രമത്തിനൊടുവിലാണ് പോത്തിനെ ജീവനോടെ കരയ്ക്ക് കയറ്റാനായത്.