തിരുവനന്തപുരം: ഡി.സി.സി പട്ടികയുമായി ബന്ധപ്പെട്ട് കോണ്‍ഗ്രസില്‍ പുകയടങ്ങുന്നില്ല. പട്ടികക്കെതിരെ കലാപക്കൊടി ഉയര്‍ത്തിയ കെ.പി അനില്‍ കുമാറിനെയും ശിവദാസന്‍ നായരെയും കോണ്‍ഗ്രസ് സസ്‌പെന്‍ഡ് ചെയ്തു. ഡിസിസി പുനഃസംഘടനയുമായി ബന്ധപ്പെട്ട് പാര്‍ട്ടി അച്ചടക്കം ലംഘിച്ച് ദൃശ്യമാധ്യമങ്ങളിലൂടെ പരസ്യപ്രതികരണം നടത്തിയ മുന്‍ എംഎല്‍എ കെ ശിവദാസന്‍ നായരെയും മുന്‍ കെപിസിസി ജനറല്‍ സെക്രട്ടറി കെ പി അനില്‍കുമാറിനെയും പാര്‍ട്ടിയില്‍ നിന്നും താത്കാലികമായി സസ്പെന്റ് ചെയ്തതായി കെ.പി.സി.സി പ്രസിഡന്റ് കെ സുധാകരന്‍ എം.പി അറിയിക്കുകയായിരുന്നു.

വിഡി സതീശനും കെ. സുധാകരനും വാക്കുപാലിച്ചില്ലെന്ന് കെ.പി അനില്‍ കുമാര്‍ തുറന്നടിച്ചിരുന്നു.
ഇഷ്ടക്കാരെ ഇഷ്ടം പോലെ നിയമിക്കുന്ന അവസ്ഥാണിത്. ഡിസിസി പ്രസിഡന്റുമാരെ നിയമിക്കുന്നതിന്റെ മാനദണ്ഡം എന്താണെന്നും അദ്ദേഹം ചോദിച്ചു. കോണ്‍ഗ്രസിന്റെ ഭാവി നിങ്ങളോടൊപ്പം അവസാനിക്കുമെന്നും അനില്‍ കുമാര്‍ മുന്നറിയിപ്പ് നല്‍കി.