കൊല്ലം: നെടുമണ്‍കാവ് റോട്ടറിക്ലബിന്റെ നേതൃത്വത്തില്‍ ആറു നിര്‍ധന യുവതികളുടെ വിവാഹം സൗജന്യമായി നടത്തുന്നതിന്റെ ധനശേഖരണാര്‍ഥം സെപ്തംബര്‍ 16,17 തീയതികളില്‍ മജിഷ്യന്‍ ഗോപിനാഥ് മുതുകാടിന്റെ മാജിക്‌ഷോ നടത്തുമെന്നു ക്ലബ് പ്രസിഡന്റ് കെ.കെ മോഹന്‍ലാല്‍, സുരേന്ദ്രന്‍ കടയ്‌ക്കോട്, ശ്രീജിത് വാര്‍ത്താ സമ്മേളനത്തില്‍ അറിയിച്ചു. കുടിക്കാട് ഗുരുദേവാ സെന്‍ട്രല്‍ സ്‌കൂളിനു സമീപമാണ് മാജിക്‌ഷോയുടെ വേദി. 16ന് വൈകിട്ട് 6ന് ആരംഭിക്കുന്ന പ്രദര്‍ശനം പൊതുജനങ്ങള്‍ക്കും 17ന് വൈകിട്ടുള്ള പ്രദര്‍ശനം സ്‌കൂള്‍ കുട്ടികള്‍ക്കുമാണ്. പ്രവേശനം പാസ്മൂലം നിയന്ത്രിച്ചിട്ടുണ്ട്.