അത്തോളി: ഫ്രാന്‍സില്‍ നിന്നുള്ള കുടുംബം അത്തോളി ഗവ. മാപ്പിള യു.പി സ്‌കൂള്‍ സന്ദര്‍ശിക്കാനെത്തി. നാട്ടില്‍ സ്‌കൂള്‍ അവധിക്കു കേരളം സന്ദര്‍ശിക്കാനെത്തിയ അധ്യാപക ദമ്പതികളായ ഫിലിപ്പ്, മിറയ് മക്കളായ എബി, ടോം എന്നിവരാണ് ഇന്നലെ രാവിലെ പത്തിന് സ്‌കൂളിലെത്തിയത്.
ഇവര്‍ക്ക് അധ്യാപകരും വിദ്യാര്‍ഥികളും ചേര്‍ന്നു സ്വീകരണം നല്‍കി. കേരളത്തിലെയും ഫ്രാന്‍സിലെയും വിദ്യാഭ്യാസ സമ്പ്രദായങ്ങളെ കുറിച്ചും ജീവിത രീതിയെ കുറിച്ചും വിദ്യാര്‍ഥികളുമായി ഇവര്‍ സംസാരിച്ചു. സ്‌കൂളില്‍ നിന്ന് ഉച്ചയൂണിനു ശേഷമാണ് അതിഥികള്‍ മടങ്ങിയത്.
പ്രധാനാധ്യാപകന്‍ എം.വി വിജയന്‍, കെ.കെ സുരേന്ദ്രന്‍, സി.കെ ജയപ്രകാശന്‍, സി.കെ ജനാര്‍ദന്‍, എന്‍.വി മിനി സംബന്ധിച്ചു.