മലപ്പുറം: പുറത്തൂര്‍ തോണി അപകടത്തില്‍ കാണാതായ രണ്ടുപേരുടെ കൂടി മൃതദേഹങ്ങള്‍ കണ്ടെത്തി. ഇട്ടികപ്പറമ്പില്‍ അബ്ദുള്‍ സലാം, കുഴിനിപ്പറമ്പില്‍ അബൂബക്കര്‍ എന്നിവരുടെ മൃതദേഹങ്ങളാണ് കണ്ടെത്തിയത്. ഇതോടെ അപകടത്തില്‍ മരിച്ചവരുടെ എണ്ണം നാലായി.

ഇന്നലെയുണ്ടായ അപകടത്തില്‍ രണ്ടു പേരുടെ മൃതദേഹങ്ങള്‍ കണ്ടെടുത്തിരുന്നു. കക്ക വാരുന്നതിനിടെയാണ് ആറംഗ സംഘമടങ്ങിയ തോണി മറിഞ്ഞത്. രണ്ട് പേരെ രക്ഷപ്പെടുത്തിയിരുന്നു.