മലപ്പുറം: കത്തിക്കുത്ത് കേസ് പ്രതി ആറുവര്‍ഷത്തിനുശേഷം പിടിയില്‍. പാണക്കാട് പട്ടര്‍കടവില്‍വെച്ച് യുവാവിനെ കത്തികൊണ്ട് കുത്തി പരുക്കേല്‍പ്പിച്ച പട്ടര്‍കടവ് തൈക്കണ്ടി അബ്ദുല്‍ നാസര്‍ (50) ആണ് മലപ്പുറം പൊലിസിന്റെ പിടിയിലായത്. അക്രമത്തിനുശേഷം പ്രതി തമിഴ്‌നാട്ടിലും മറ്റും ഒളിവില്‍ കഴിയുകയായിരുന്നു. മലപ്പുറം എസ്.ഐ ബി.എസ് ബിനുവിന്റെ നേതൃത്വത്തില്‍ സ്‌പെഷ്യല്‍ സ്വാഡ് അംഗങ്ങളായ എസ്.എ മുഹമ്മദ് ഷാക്കിര്‍, എന്‍.എം അബ്ദുല്ല ബാബു എന്നിവര്‍ ചേര്‍ന്നാണ് പിടികൂടിയത്.