തൃശ്ശൂര്‍; അപകടത്തില്‍പെട്ട കെ.എസ്.ആര്‍.ടി.സി ബസില്‍നിന്ന് മോഷണം നടത്തിയ പ്രതിപിടിയില്‍. ചെന്ത്രാപ്പിന്നിയില്‍ അപകടത്തില്‍പെട്ട കെ.എസ്.ആര്‍.ടി.സി ബസില്‍നിന്നും പണവും മൊബൈല്‍ ഫോണും അടങ്ങിയ ബാഗ് മോഷ്ടിച്ച ചെന്ത്രാപ്പിന്നി പതിനേഴാംകല്ല് സ്വദേശി കുമാരനെയാണ്(55)കയ്പമംഗലം പൊലിസ് അറസ്റ്റ് ചെയ്തത്. ബുധനാഴ്ച ഉച്ചക്ക് ചെന്ത്രാപ്പിന്നി പതിനേഴാം കല്ലില്‍ അപകടത്തില്‍പെട്ട ബസില്‍നിന്നാണ് ഇയാള്‍ ബാഗ് മോഷ്ടിച്ചത്.കെ.എസ്.ആര്‍.ടി.സി ജീവനക്കാരനായ കാഞ്ഞാണി സ്വദേശി അനുമോദിന്റെ ബാഗാണ് മോഷ്ടിച്ചത്.കയ്പമംഗലം എസ്.എച്ച്.ഒ സുബീഷ് മോനും സംഘവും ചേര്‍ന്നാണ് പ്രതിയെ പിടികൂടിയത്.