ദുബൈ എയർ ഷോക്ക് ഗംഭീര തുടക്കം; ഇനി ആകാശ വിസ്മയങ്ങളുടെ ദിനങ്ങൾ

ദു​ബൈ: മാനത്ത് കരുത്ത് കാട്ടുന്ന പ്രദർശനവയുമായി ദു​ബൈ എ​യ​ർ ഷോ​യു​ടെ 18ാമ​ത്​ എ​ഡി​ഷ​ന്​ ദു​ബൈ വേ​ൾ​ഡ്​ സെ​ൻ​ട്ര​ലി​ൽ​ തുടക്കമായി. 148 രാ​ജ്യ​ങ്ങ​ളി​ൽ​നി​ന്നാ​യി വ്യോ​മ​യാ​ന രം​ഗ​ത്തെ 14,00 പ്ര​ദ​ർ​ശ​ക​രാ​ണ് എ​ക്സി​ബി​ഷ​നി​ൽ പ​​ങ്കെ​ടു​ക്കു​ന്ന​ത്. യുഎ​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം തിങ്കളാഴ്ച പ്ര​ദ​ർ​ശ​നം കാ​ണാ​നെ​ത്തി. വ്യോ​മ​യാ​ന​രം​ഗ​ത്തെ 300 പ്ര​മു​ഖ​ർ വി​വി​ധ വി​ഷ​യ​ങ്ങ​ളി​ൽ എ​യ​ർ ഷോ​യിൽ ​സം​സാ​രി​ക്കും.

ഈ​മാ​സം 17വ​രെ അ​ഞ്ചു ദി​വ​സ​ങ്ങ​ളി​ലായാണ് ദുബൈയിൽ പ്രദർശനം നടക്കുന്നത്. 14,00 പ്ര​ദ​ർ​ശ​കരിൽ 400ഓളം പേർ ദുബൈ എയർ ഷോയിൽ പുതുമുഖങ്ങളാണ്. വ്യോമയാന മേഖലയിലെ 80ഓളം സ്റ്റാർട്ടപ്പുകളും എയർഷോയുടെ ഭാഗമാകുന്നുണ്ട്. 180ലധികം അത്യാധുനിക വാണിജ്യ, സ്വകാര്യ, സൈനിക വിമാനങ്ങൾ എയർഷോയിൽ പ്രദർശിപ്പിക്കും. ക​ഴി​ഞ്ഞ വ​ർ​ഷം 1200 ക​മ്പ​നി​ക​ളാ​യി​രു​ന്നു പ്ര​ദ​ർ​ശ​ന​ത്തി​നെ​ത്തി​യി​രു​ന്ന​ത്.

രണ്ട് വർഷത്തിലൊരിക്കലാണ് ദുബൈയിൽ ആകാശ വിസ്മയം വിരുന്നെത്തുക. എയർ ഷോക്ക് ക​ഴി​ഞ്ഞ ത​വ​ണ 104,000 സ​ന്ദ​ർ​ശ​ക​രാ​ണ്​ പ്ര​ദ​ർ​ശ​ന​ത്തി​ലെ​ത്തി​യി​രു​ന്ന​ത്. എല്ലാ തവണയും പോ​ലെ ഇ​ത്ത​വ​ണ​യും പൊതുജനങ്ങൾക്ക്​ പ്ര​വേ​ശ​ന​മി​ല്ല.

ഉ​ഗ്ര​ശേ​ഷി​യു​ള്ള പോ​ർ​വി​മാ​ന​ങ്ങ​ളും ആ​ഡം​ബ​ര വി​മാ​ന​ങ്ങ​ളും ഹെ​ലി​കോ​പ്​​ട​റു​ക​ളും സൈ​നി​ക വി​മാ​ന​ങ്ങ​ളും തുടങ്ങി വമ്പൻ ആയുധങ്ങളെല്ലാം തന്നെ പ്രദർശനത്തിന് എത്തിയിട്ടുണ്ട്. ഇതിനൊപ്പം ആ​ളി​ല്ലാ​വി​മാ​ന​ങ്ങ​ൾ, ച​ര​ക്കു​വി​മാ​നം, സാ​​ങ്കേ​തി​ക​വി​ദ്യ​ക​ൾ തുടങ്ങിയവയും പ്രദർശനത്തിന് ഉണ്ട്.

അ​തേ​സ​മ​യം, ആ​ദ്യ ദി​നം​ത​ന്നെ 19100 കോ​ടി​യു​ടെ വ​മ്പ​ൻ ക​രാ​റി​നും പ്ര​ദ​ർ​ശ​നം സാ​ക്ഷി​യാ​യി. ദു​ബൈ​യു​ടെ ഫ്ലാ​ഗ്​ എ​യ​ർ​ഷി​പ്പാ​യി എ​മി​റേ​റ്റ്​​സ്​ എ​യ​ർ​ലൈ​നാ​ണ്​ യു.​എ​സ്​ ക​മ്പ​നി​യു​മാ​യി ശ​ത​കോ​ടി​ക​ളു​ടെ ക​രാ​റി​ലെ​ത്തി​യ​ത്. 95 വൈ​ഡ്​ എ​യ​ർ​ക്രാ​ഫ്​​റ്റു​ക​ൾ വാ​ങ്ങു​ന്ന​തി​നാ​ണ്​ ഇ​രു​ക​മ്പ​നി​ക​ളും ക​രാ​റി​ലെ​ത്തി​യ​ത്.