പാലക്കാട്: അട്ടപ്പാടി ദോട്ടുകട്ടി ഊരില്‍ വനംവകുപ്പിന്റെ ജീപ്പിനുനേരെ ഒറ്റയാന്റെ ആക്രമണം. ജനവാസമേഖലയിലിറങ്ങിയ ആനയെ തുരത്തുന്നതിനിടെയായിരുന്നു പരാക്രമം. രാത്രി 12.30 ഓടെയാണ് സംഭവം.

അട്ടപ്പാടി ദോട്ടുകട്ടി ഊരിന് സമീപത്ത് കാട്ടാന ഇറങ്ങിയതറിഞ്ഞ് എത്തിയ വനംവകുപ്പിന്റെ ആര്‍ ആര്‍ ടി ജീപ്പിന് മുന്നിലാണ് ആന എത്തിയത്. സ്ഥലത്തെത്തിയപ്പോള്‍ അപ്രതീക്ഷിതമായി കാട്ടാന റോഡിലേക്കിറങ്ങി വാഹനത്തിന് നേരെ പാഞ്ഞടുക്കുകയായിരുന്നു. വാഹനം ഏറെ ദൂരം പിന്നിലേക്ക് ഓടിച്ചാണ് ഒറ്റയാനില്‍ നിന്ന് ആര്‍ആര്‍ടി സംഘം രക്ഷപ്പെട്ടത്. പടക്കമെറിഞ്ഞും ശബ്ദമുണ്ടാക്കുകയും ചെയ്തതോടെ ആന പിന്തിരിഞ്ഞു.