കോഴിക്കോട്: മാനസിക വെല്ലുവിളികള്‍ നേരിടുന്നവരെ ചൂഷണം ചെയ്യുകയും അവരുടെ സ്വത്ത് വഹകള്‍ അപഹരിക്കുന്നവര്‍ക്കുമെതിരേ കര്‍ശന നടപടി സ്വീകരിക്കുമെന്നും അത്തരം സംഭവങ്ങള്‍ തടയുന്നതിനും അര്‍ഹതപ്പെട്ടത് പിടിച്ചെടുത്ത് തിരിച്ചുനല്‍കുന്നതിനും നടപടിയെടുക്കാന്‍ സാധിച്ചിട്ടുണ്ടെന്നും ജില്ലാ കലക്ടര്‍ എന്‍. പ്രശാന്ത് ഐ.എ.എസ് പറഞ്ഞു. കോഴിക്കോട് പരിവാറിന്റെ ആഭിമുഖ്യത്തില്‍ ദേവഗിരി ആശാകിരണ്‍ ഹാളില്‍ നടന്ന മാനസിക വെല്ലുവിളികള്‍ നേരിടുന്നവരുടെ രക്ഷാകര്‍തൃ സംഗമം ഉദ്ഘാടനം ചെയ്യുകയായിരുന്നു അദ്ദേഹം.
പരിവാര്‍ ജില്ലാ പ്രസിഡന്റ് പ്രൊഫ. കെ. കോയട്ടി അധ്യക്ഷനായി. ജില്ലാ സബ്ജഡ്ജ് ആര്‍.എല്‍ ബൈജു ക്ലാസെടുത്തു. ജെ.ഡി.ടി സെക്രട്ടറി സി.പി കുഞ്ഞുമുഹമ്മദ്, കുന്ദമംഗലം ഗ്രാമപഞ്ചായത്ത് പ്രസിഡന്റ് ടി.കെ സീനത്ത്, മന്‍സൂര്‍ അഹമ്മദ്, മുഹമ്മദ് ശാക്കിര്‍, പി സിക്കന്ദര്‍, പി.ഡി ഫ്രാന്‍സിസ്, തെക്കയില്‍ രാജന്‍, കെ.സി ഫസലുള്ള, സി.എ സലിം, മുഹമ്മദ് പാലാഴി, ഒ. രാജീവ് സംസാരിച്ചു.