മുക്കം: ശ്രീ നാരായണ ഗുരുവിന്റെ 'നമുക്ക് ജാതിയില്ല' വിളംബരത്തിന്റെ നൂറാം വാര്‍ഷികത്തിന്റെ ഭാഗമായി മുക്കത്ത് ഇന്ന് നവോത്ഥാന ഘോഷയാത്രയും മാനവ സംഗമവും നടക്കും. ചട്ടമ്പിസ്വാമികളുടെ ജന്മദിനമായ ഓഗസ്റ്റ് 24 മുതല്‍ അയ്യന്‍കാളിയുടെ ജന്മദിനമായ ഓഗസ്റ്റ് 28 വരെ സി.പി.എം നേതൃത്വത്തില്‍ സംസ്ഥാന വ്യാപകമായി സംഘടിപ്പിക്കുന്ന പരിപാടിയുടെ ഭാഗമായാണ് മുക്കത്തെ ലോഷയാത്രയും സംഗമവും. ഘോഷയാത്ര വൈകുന്നേരം നാലു മണിക്ക് അഗസ്ത്യന്‍ മുഴിയില്‍ നിന്ന് ആരംഭിക്കും. മുക്കത്തെത്തി ബസ് സ്റ്റാന്‍ഡ് പരിസരത്ത് ബഹുജന കൂട്ടായ്മ ആരംഭിക്കും. ജില്ലാ പഞ്ചായത്ത് പ്രസിഡന്റ് ബാബു പറശ്ശേരി, മുക്കം നഗരസഭാ ചെയര്‍മാന്‍ വി. കുഞ്ഞന്‍, ടി. വിശ്വനാഥന്‍, ടി.പി മാധവന്‍ തുടങ്ങിയവര്‍ സംബന്ധിക്കും.