താമരശ്ശേരി: സുന്നി യുവജന സംഘം താമരശ്ശേരി പഞ്ചായത്ത് കമ്മിറ്റി സംഘടിപ്പിക്കുന്ന കാളമ്പാടി ഉസ്താദ് അനുസ്മരണവും മജ്‌ലിസുന്നൂറും ഇന്ന് രാത്രി 7 മണിക്ക് കോരങ്ങാട് വാപ്പനാംപൊയില്‍ പ്രത്യേകം സജ്ജമാക്കിയ വേദിയില്‍ നടക്കും. കോരങ്ങാട് മഹല്ല് കമ്മിറ്റി പ്രസിഡന്റ് പി.എ സമദ് ഹാജി അധ്യക്ഷനാവുന്ന പരിപാടി അബ്ദുറഷീദ് ഫൈസി ഉദ്ഘാടനം ചെയ്യും. സമസ്ത ജില്ലാ സെക്രട്ടറി അബ്ദുല്‍ ബാരി ബാഖവി അനുസ്മരണ പ്രഭാഷണം നടത്തും. വാവാട് കെ. മൊയ്തീന്‍ കുട്ടി മുസ്‌ലിയാര്‍ മജ്‌ലിസുന്നൂറിന് നേതൃത്വം നല്‍കും. കെ. അബ്ദുള്ള ബാഖവി, മുഹമ്മദ് ഹൈത്തമി വാവാട്, എം.ടി.എ കരീം ഫൈസി, ആലിഹാജി അവേലം, അബ്ദുല്‍ അസീസ് മദനി തുടങ്ങിയവര്‍ സംബന്ധിക്കുമെന്ന് കണ്‍വീനര്‍ ടി.സുബൈര്‍ മാസ്റ്റര്‍ അറിയിച്ചു.