കല്‍പ്പറ്റ: ക്ഷീരോല്‍പാദക സഹകരണ സംഘത്തിന്റെ ആഭിമുഖ്യത്തില്‍ ക്ഷീര കര്‍ഷകര്‍ക്ക് പഠന ക്ലാസും വിദ്യാഭ്യാസ സ്‌കോളര്‍ഷിപ്പ് ലഭിച്ച സംഘത്തിലെ അംഗങ്ങളുടെ കുട്ടികളെ ആദരിക്കലും നടത്തി. നഗരസഭാ ക്ഷേമകാര്യ സമിതി ചെയര്‍മാന്‍ പി.പി ആലി ഉദ്ഘാടനം ചെയ്തു. സംഘം പ്രസിഡന്റ് ഗിരീഷ് കല്‍പ്പറ്റ അധ്യക്ഷനായി. എല്‍.ഐ.സി.പി ആന്‍ഡ് ജി സെക്ഷന്‍ മാനേജര്‍ പി. രാമകൃഷ്ണന്‍ വിദ്യാര്‍ഥികളെ ആദരിച്ചു. കല്‍പ്പറ്റ ബ്ലോക് ക്ഷീര വികസന ഓഫിസര്‍ വി.എസ് ഹര്‍ഷ മുഖ്യപ്രഭാഷണം നടത്തി. ഡയറി ഫാം ഇന്‍സ്ട്രക്ടര്‍ റൊണാള്‍ഡ് വില്‍സ, ഡയറക്ടര്‍മാരായ ഇ.കെ സുരേഷ്, എന്‍.എ ബാലന്‍, കല്ലങ്കോടന്‍ ബീരാന്‍, ശ്രീജ അജിത് കുമാര്‍, കെ സാവിത്രി, കുഞ്ഞിലക്ഷ്മി, കാര്‍ത്തികേയന്‍, സംഘം സെക്രട്ടറി സംഗീതാ അജീഷ് സംസാരിച്ചു.