പാല: പാലാ സെന്റ് തോമസ് കോളജില്‍ വിദ്യാര്‍ഥിനിയെ സഹപാഠി ക്രൂരമായി കൊലപ്പെടുത്തി. പരീക്ഷക്കെത്തിയപ്പോഴായിരുന്നു ആക്രമണം. വൈക്കം തലയോലപ്പറമ്പ് സ്വദേശിനി നിതിന(22) ആണ് മരിച്ചത്. മൂന്നാം വര്‍ഷ ഫുഡ് പ്രൊസസിങ് ടെക്‌നോളജി വിദ്യാര്‍ഥിയായിരുന്നു നിതിന

കുത്തി വീഴ്ത്തിയ ശേഷം കഴുത്തറുത്ത് കൊലപ്പെടുത്തുകയായിരുന്നു. സഹപാഠിയായ കൂത്താട്ടുകുളം സ്വദേശി അഭിഷേക് ബൈജുവാണ് പ്രതി. ഇയാളെ പൊലിസ് കസ്റ്റഡിയിലെടുത്തു.

പരീക്ഷ കഴിഞ്ഞ് പുറത്തിറങ്ങി മറ്റുകുട്ടികള്‍ക്കൊപ്പം നില്‍ക്കുമ്പോഴാണ് അതിക്രൂരമായ സംഭവം നടന്നത്. ഇരുവരും തമ്മില്‍ അടുപ്പത്തിലായിരുന്നു എന്ന് സൂചന. കൃത്യം നടത്തിയ ശേഷം ഓടി രക്ഷപ്പെടാന്‍ ശ്രമിച്ച അഭിഷേകിനെ കുട്ടികള്‍ പിടിച്ചു വെക്കുകയായിരുന്നു.