HOME
DETAILS

താരിഖ് അന്‍വറിനെ മാറ്റി; എഐസിസിയില്‍ അഴിച്ചുപണി

  
backup
December 23 2023 | 15:12 PM

tariq-replaces-anwar-decommissioning-at-aic

ന്യൂഡല്‍ഹി: കേരളത്തിന്റെ ചുമതലയില്‍ നിന്നു എഐസിസി ജനറല്‍ സെക്രട്ടറി താരിഖ് അന്‍വറിനെ മാറ്റി. ദീപാ ദാസ് മുന്‍ഷിക്കാണ് പകരം ചുമതല.
സംഘടനാകാര്യ ജനറല്‍ സെക്രട്ടറിയായി കെസി വേണുഗോപാല്‍ തുടരും. രമേശ് ചെന്നിത്തലയ്ക്ക് മഹാരാഷ്ട്രയുടെ ചുമതല നല്‍കി. സച്ചിന്‍ പൈലറ്റിനാണു ഛത്തീസ്ഗഢിന്റെ ചുമതല. പ്രിയങ്ക ഗാന്ധി പ്രത്യേക ചുമതലയില്ലാത്ത ജനറല്‍ സെക്രട്ടറിയായി തുടരും. അവര്‍ക്കുള്ള ചുമതല സംബന്ധിച്ചു തീരുമാനം ആയിട്ടില്ല. കമ്യൂണിക്കേഷന്‍ വിഭാഗത്തിന്റെ ചുമതലയില്‍ ജയറാം രമേശ് തുടരും.

ദേശീയ പ്രവര്‍ത്തക സമിതിയിലെ സ്ഥിരം ക്ഷണിതാവായ രമേശ് ചെന്നിത്തലയ്ക്ക് മഹാരാഷ്ട്രയുടെ ചുമതല നല്‍കിയതാണ് ശ്രദ്ധേയമായ നീക്കം. ചെന്നിത്തല തമിഴ്‌നാട് ചുമതല വഹിച്ചപ്പോഴാണ് മൂപ്പനാരുടെ തമിഴ് മാനില കോണ്‍ഗ്രസ്സുമായി സഖ്യമുണ്ടാക്കിയത്. വടക്കു കിഴക്കന്‍ സംസ്ഥാനങ്ങളിളും ആറു സംസ്ഥാനങ്ങളുടെ ചുമതല ഉണ്ടായിരുന്നു. ഈ സമയം കോണ്‍ഗ്രസ്സിന് നാലു മുഖ്യമന്ത്രിമാര്‍ മേഖലയിലുണ്ടായിരുന്നു. മധ്യപ്രദേശിലും ചുമതല വഹിച്ചു.

മാധവറാവു സിന്ധ്യ മഹാരാഷ്ട്രയുടെ ചുമതലയുള്ള ജനറല്‍ സെക്രട്ടറിയായിരുന്നപ്പോള്‍ കൂടെ സെക്രട്ടറിയായും ചെന്നിത്തല പ്രവര്‍ത്തിച്ചിരുന്നു. മഹാവികാസ് അഘാഡിയെ ശക്തിപ്പെടുത്തുക എന്നതടക്കമുള്ള ചുമതലകളോടെയാണ് ഖാര്‍ഗെ ഇപ്പോള്‍ ചെന്നിത്തലയെ നിയോഗിച്ചിരിക്കുന്നത്. ലോക്‌സഭാ തിരഞ്ഞെടുപ്പിന് പുറമേ നിയമസഭാ തിരഞ്ഞെടുപ്പിലും ശ്രദ്ധിക്കാനാണ് ആവശ്യപ്പെട്ടിട്ടുള്ളത്.

മല്ലികാര്‍ജുന്‍ ഖാര്‍ഗെ എ.ഐ.സി.സി. അധ്യക്ഷസ്ഥാനം ഏറ്റെടുത്തതിനുശേഷം പുതിയ വര്‍ക്കിങ് കമ്മിറ്റിയെ പ്രഖ്യാപിച്ചിരുന്നു. ഇതിന്റെ തുടര്‍ച്ചയായാണ് പുതിയ ചുമതലകള്‍ നല്‍കിക്കൊണ്ടുള്ള പട്ടിക പുറത്തിറക്കിയത്. ജനറല്‍ സെക്രട്ടറി സ്ഥാനത്ത് തുടരുന്ന പ്രിയങ്കാഗാന്ധിക്ക് പ്രത്യേക ചുമതലകളൊന്നുമില്ല.

താരിഖ് അന്‍വറിനെ മാറ്റി; എഐസിസിയില്‍ അഴിച്ചുപണി



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."