മണ്ണാര്‍ക്കാട്: കാട്ടാനകളുടെ ആക്രമണത്തില്‍ നശിച്ച കൃഷിയിടങ്ങള്‍ അഡ്വ. എന്‍. ഷംസുദ്ദീന്‍ എം.എല്‍.എ സന്ദര്‍ശിച്ചു. കാട്ടാനയെ തുരത്താന്‍ ആവശ്യമായ നടപടികള്‍ സ്വീകരിക്കുമെന്ന് എം.എല്‍.എ അറിയിച്ചു. സോളാര്‍ വേലി സ്ഥാപിക്കാന്‍ ശേഷിക്കുന്ന ഭാഗങ്ങളില്‍ സ്ഥാപിക്കുമെന്നും എം.എല്‍.എ പ്രദേശവാസികളോട് പറഞ്ഞു. കൃഷിനാശം സംഭവിച്ച കര്‍ഷകര്‍ക്ക് അടിയന്തിരമായി ധനസഹായം നല്‍കാന്‍ വേണ്ടി സംസ്ഥാന സര്‍ക്കാറിന് റിപ്പോര്‍ട്ട് നല്‍കാന്‍ വനം - കൃഷി വകുപ്പു അധികൃതരോട് എം.എല്‍.എ നിര്‍ദ്ദേശിച്ചു. എം.എല്‍.എയോടൊപ്പം പഞ്ചായത്തംഗം ടി.കെ ഫൈസല്‍, ടി.കെ മരക്കാര്‍, കുരിക്കള്‍ സൈത്, റഷീദ് കോല്‍പ്പാടം, സൈനുദ്ദീന്‍ എന്നിവരുമുണ്ടായിരുന്നു.