കേരള പൊലിസ് എസ്.ഐ വിജ്ഞാപനമെത്തി; ഡിഗ്രിക്കാര്‍ക്ക് അപേക്ഷിക്കാം; 1 ലക്ഷത്തിനടുത്ത് ശമ്പളം

കേരള പൊലിസ് എസ്.ഐ ജോലി സ്വപ്‌നം കാണുന്നവര്‍ക്ക് സുവര്‍ണ്ണാവസരം. കേരള പി.എസ്.സി ഇപ്പോള്‍ കേരള സിവില്‍ പൊലിസ് വകുപ്പില്‍ സബ് ഇന്‍സ്‌പെക്ടര്‍ പൊലിസ് ട്രെയ്‌നി തസ്തികയിലേക്ക് അപേക്ഷ ക്ഷണിച്ചു. മിനിമം ഡിഗ്രി യോഗ്യതയുള്ളവരാണ് നിങ്ങളെങ്കില്‍ പി.എസ്.സി നടത്തുന്ന എസ്.ഐ പരീക്ഷക്ക് അപേക്ഷിക്കാവുന്നതാണ്. കഴിഞ്ഞ വര്‍ഷത്തെ നിയമനക്കണക്കുകള്‍ പരിശോധിക്കുമ്പോള്‍ മികച്ചൊരു അവസരമാണ് ഇപ്പോള്‍ കൈവന്നിരിക്കുന്നത്. അതുകൊണ്ട് താല്‍പര്യമുള്ള എല്ലാവരും തന്നെ എത്രയും പെട്ടെന്ന് അപേക്ഷിക്കാന്‍ ശ്രമിക്കുക..

തസ്തിക& ഒഴിവ്
കേരള സിവില്‍ പൊലിസ് വകുപ്പില്‍, സബ് ഇന്‍സ്‌പെക്ടര്‍ ഓഫ് പൊലിസ് ട്രെയ്‌നി തസ്തികയിലേക്കാണ് നിയമനം.

കേരളത്തിലുടനീളം നിയമനം നടക്കും. സ്ത്രീകള്‍ക്കും പുരുഷന്‍മാര്‍ക്കും ഒരുപോലെ അപേക്ഷിക്കാം.

കാറ്റഗറി നമ്പര്‍: 572/2023

പ്രായപരിധി
20 വയസ് മുതല്‍ 31 വയസ് വരെ പ്രായമുള്ളവര്‍ക്ക് അപേക്ഷിക്കാം. ഉദ്യോഗാര്‍ഥികള്‍ 02-01-1992നും 01-01-2003നും ഇടയില്‍ ജനിച്ചവരായിരിക്കണം. സംവരണ വിഭാഗക്കാര്‍ക്ക് നിയമാനുസൃത വയസിളവ് ഉണ്ടാവും.

യോഗ്യത
അംഗീകൃത യൂണിവേഴ്‌സിറ്റിക്ക് കീഴില്‍ ഡിഗ്രി പൂര്‍ത്തിയാക്കിയവര്‍ക്ക് അപേക്ഷിക്കാം.

ആരോഗ്യപരമായും, കായിക പരമായും ഫിറ്റായിരിക്കണം.

പുരുഷന്‍മാര്‍ക്ക് കുറഞ്ഞത് 165 സെ.മീറ്റര്‍ നീളവും, 81.28 സെ.മീ നെഞ്ചളവും, 5.08 സെ.മീ എക്‌സ്പാന്‍ഷനും ഉണ്ടായിരിക്കണം.

സ്ത്രീകള്‍ക്ക് 160 സെ.മീറ്റര്‍ നീളം വേണം.

ഇരുവിഭാഗങ്ങളിലെയും, എസ്.സി-എസ്.ടി വിഭാഗക്കാര്‍ക്ക് നിയമാനുസൃതമായ ഇളവുകള്‍ ഉണ്ടായിരിക്കും.

ശമ്പളം
തെരഞ്ഞെടുക്കപ്പെടുന്നവര്‍ക്ക് 45,600 രൂപ മുതല്‍ 95,600 രൂപ വരെയാണ് ശമ്പള സ്‌കെയ്ല്‍.

നിയമനം
കേരള പി.എസ്.സി നടത്തുന്ന എഴുത്ത് പരീക്ഷയുടെയും, ഫിസിക്കല്‍ ടെസ്റ്റിന്റെയും അടിസ്ഥാനത്തിലാണ് നിയമനം.

ഫിസിക്കല്‍ എഫിഷ്യന്‍സി ടെസ്റ്റി (പുരുഷന്‍മാര്‍)

Sl.No	Item	Minimum Standards
1	100 Metres Run	14 Second
2	High Jump	132.20 cm(4’6”)
3	Long Jump	457.20 cm(15’)
4	Putting the Shot (7264 gms))	609.60 cm(20’)
5	Throwing the Cricket Ball	6096 cm(200’)
6	Rope Climbing(only with hands)	365.80 cm(12’)
7	Pull-ups or chinning	8 times
8	1500 Metres Run	5 Minutes & 44 seconds

ഫിസിക്കല്‍ എഫിഷ്യന്‍സി ടെസ്റ്റി (വനിതകള്‍)

Sl.No	Item	Minimum Standards
1	100 Metres Run	17 Second
2	High Jump	106 cm
3	Long Jump	305 cm
4	Putting the Shot (4000 gms)	400 cm
5	200 Meters Run	36 Seconds
6	Throwing the throw ball	1400 cm
7	Shuttle Race (4 X 25 m)	26 seconds
8	Pull Ups or chinning	8 times
9	Skipping (One Minute)	80 times

അപേക്ഷ
താല്‍പര്യമുള്ള ഉദ്യോഗാര്‍ഥികള്‍ക്ക് കേരള പി.എസ്.സിയുടെ ഔദ്യോഗിക വെബ്‌സൈറ്റ് മുഖേന അപേക്ഷിക്കാം. അപേക്ഷിക്കുന്നതിന് മുമ്പായി വിജ്ഞാപനം മുഴുവനായും വായിക്കുക.

അപേക്ഷ സമര്‍പ്പിക്കേണ്ട അവസാന തീയതി ജനുവരി 31- 2024.

അപേക്ഷ സമര്‍പ്പിക്കാന്‍ https://www.keralapsc.gov.in/ സന്ദര്‍ശിക്കുക. ഔദ്യോഗിക വിജ്ഞപാനം ലഭിക്കുന്നതിനായി ക്ലിക് ചെയ്യുക.