പാലാ: വരും തലമുറയെ നേര്‍വഴിക്ക് നയിക്കുന്ന വേതനം പറ്റാത്ത ഓംബുഡ്‌സ്മാന്‍മാരാണ് പരിസ്ഥിതി പ്രവര്‍ത്തകരെന്ന് പ്രമുഖ പരിസ്ഥിതി സാമൂഹിക പ്രവര്‍ത്തകന്‍ അഡ്വ. ഹരീഷ് വാസുദേവ്.
പൂഞ്ഞാര്‍ ഭൂമിക ഏര്‍പ്പെടുത്തിയ  ഡി പങ്കജാക്ഷകുറുപ്പ് പുരസ്‌കാരം ദാന  ചടങ്ങില്‍ പങ്കെടുത്തുകൊണ്ട് സംസാരിക്കുകയായിരുന്നു അദേഹം. 'പ്രകൃതി വിഭവങ്ങളും വികസനവും' എന്ന വിഷയത്തില്‍ ഹരീഷ് വാസുദേവന്‍ മുഖ്യ പ്രഭാഷണം നടത്തി. മനുഷ്യന്റെ അവകാശം ലംഘിച്ചുകൊണ്ടുള്ള വികസനം അപകടകരമാണന്ന് അദേഹം പറഞ്ഞു.
ചടങ്ങില്‍ സണ്ണി പൈകട ,കെ.ഇ ക്ലമന്റ് ,ഡോ.ബി.ശ്രീകുമാര്‍, ഫാ.വിന്‍സന്റ് കളരിപ്പരമ്പില്‍, സിസ്റ്റര്‍ റോസ് വൈപ്പന, വേണുഗോപാല്‍ ആര്‍, എബി ഇമ്മാനുവല്‍, കെ.സി.തങ്കച്ചന്‍, ഫിലിപ്പ് മഠത്തില്‍, അഡ്വ.ബിനോയി മങ്കന്താനം, ബി.ബിനു എന്നിവര്‍ സംസാരിച്ചു.