ന്യൂഡല്‍ഹി: ഡല്‍ഹിയിലെ വായു മലിനീകരണത്തില്‍ കര്‍ഷകരെ കുറ്റപ്പെടുത്തേണ്ടതില്ലെന്ന് ഭാരതീയ കിസാന്‍ യൂണിയന്‍ നേതാവ് രാകേഷ് ടികായത്. വായു മലിനീകരണത്തിന് കാരണം കര്‍ഷകരാണെന്ന് മുദ്രകുത്താന്‍ ശ്രമിക്കുന്നവര്‍ മാപ്പ് പറയണമെന്നും അദ്ദേഹം ആവശ്യപ്പെട്ടു.

കാര്‍ഷിക മാലിന്യങ്ങള്‍ കത്തിക്കുന്നതാണ് ഡല്‍ഹിയിലെ വായു മലിനീകരണത്തിന് കാരണമെന്ന് വരുത്താന്‍ ശ്രമം നടക്കുന്നു. കുറ്റം കര്‍ഷകരുടെ തലയിലിടാന്‍ നോക്കണ്ടെന്നും ടികായിത് പറഞ്ഞു.

വായു മലിനീകരണത്തിന് കര്‍ഷകരെ ഉത്തരവാദികളാക്കുന്നത് ശരിയല്ലെന്ന് സുപ്രീം കോടതി തന്നെ പറഞ്ഞിരുന്നു. മൊത്തം മലിനീകരണത്തിന്റെ വെറും 10 ശതമാനം മാത്രമാണ് കര്‍ഷകര്‍ ഉണ്ടാകുന്നതെന്നും അദ്ദേഹം കൂട്ടിച്ചേര്‍ത്തു. കേന്ദ്ര കാര്‍ഷിക നിയമങ്ങള്‍ പിന്‍വലിക്കണമെന്നും വിളകള്‍ക്ക് താങ്ങുവില ഉറപ്പ് നല്‍കണമെന്നും ടികായിത് ആവശ്യപ്പെട്ടു.