പുതിയ സമരമുറയുമായി എം.എസ്.എഫ്
എടപ്പാള്‍: കണ്ടനകത്തു പ്രവര്‍ത്തിക്കുന്ന ബിവറേജസ് ഔട്ട്‌ലെറ്റില്‍ മദ്യ സൂപ്പര്‍മാര്‍ക്കറ്റ് ആരംഭിക്കാനുള്ള നീക്കത്തിനെതിരേ എം.എസ്.എഫ് പ്രതിഷേധം.
    കടലാസില്‍ നിര്‍മിച്ച മിസൈലുകള്‍ ബിവറേജിനു നേരെ വിട്ടാണ് പ്രതിഷേധിച്ചത്.
സംസ്ഥാനപാതയോരത്തെ മദ്യവില്‍പനശാലകള്‍ അടച്ചുപൂട്ടണമെന്ന ഹൈക്കോടതി വിധിയും നാട്ടുകാരില്‍നിന്നുള്ള പരാതിയുമുണ്ടായിരിക്കേ ബിവറേജസ് ഔട്ട്‌ലറ്റ് സൂപ്പര്‍മാര്‍ക്കറ്റാക്കാനുള്ള നീക്കത്തിനെതിരേയായിരുന്നു തവനൂര്‍ മണ്ഡലം എം.എസ്.എഫിന്റെ പ്രതിഷേധം.
സംസ്ഥാന പ്രസിഡന്റ് മിസ്ഹബ് കിഴിയൂര്‍ ഉദ്ഘാടനം ചെയ്തു.
പി. സാദിഖലി അധ്യക്ഷനായി.
സംസ്ഥാന ട്രഷറര്‍ യൂസഫ് വല്ലാഞ്ചിറ, ഇബ്രാഹിം മൂതൂര്‍, വി.കെ.എം ഷാഫി, സാഹിര്‍ മാണൂര്‍, ഹസൈനാര്‍ നെല്ലിശ്ശേരി, പത്തില്‍ സിറാജ്, ഷഫീഖ് കൂട്ടായി, മാലിക്ക് പാറപ്പുറം, സിറാജ് കണ്ടണ്ടനകം, പി.കെ നാസിക്, യൂനുസ് പാറപ്പുറം സംസാരിച്ചു.