മലപ്പുറം: പോക്‌സോ കേസ് പ്രതിയായ അധ്യാപകന് സസ്‌പെന്‍ഷന്‍. മലപ്പുറം വള്ളിക്കുന്ന് സ്വദേശി അഷ്‌റഫിനെയാണ് സര്‍വിസില്‍ നിന്ന് സസ്‌പെന്‍ഡ് ചെയ്തത്.

കഴിഞ്ഞ ദിവസമാണ് സ്‌കൂള്‍ വിദ്യാര്‍ഥിയെ പീഡിപ്പിച്ച കേസില്‍ ഇയാളെ പൊലിസ് അറസ്റ്റ് ചെയ്തത്. ഇത് മൂന്നാം തവണയാണ് വിദ്യാര്‍ഥികളെ പ്രകൃതി വിരുദ്ധ ലൈംഗീക പീഡനത്തിന് ഇരയാക്കിയ കേസില്‍ ഇയാള്‍ അറസ്റ്റിലാകുന്നത്.

പരപ്പനങ്ങാടി, കരിപ്പൂര്‍ എന്നിവിടങ്ങളിലെ സ്‌കൂളുകളില്‍ ജോലി ചെയ്തിരുന്നപ്പോഴാണ് അഷ്‌റഫ് മുന്‍പ് അറസ്റ്റിലായത്. ചൈല്‍ഡ് ലൈനില്‍ ലഭിച്ച പരാതിയുടെ അടിസ്ഥാനത്തിലായിരുന്നു അറസ്റ്റ്.