ന്യൂഡല്‍ഹി: രാജ്യത്ത് 6531 പുതിയ കൊവിഡ് കേസുകള്‍ കൂടി സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം. 24 മണിക്കൂറിനിടെ 7141 പേര്‍ രോഗമുക്തരായി. 315 മരണങ്ങള്‍ കൂടി കൊവിഡ് കാരണമാണെന്ന് സ്ഥിരീകരിച്ചതോടെ ആകെ മരണം 4,79,997 ആയി. 3,47,93,333 പേര്‍ക്കാണ് ഇതുവരെ രാജ്യത്ത് കൊവിഡ് സ്ഥിരീകരിച്ചത്. രാജ്യത്തെ പ്രതിദിന പോസിറ്റിവിറ്റി നിരക്ക് 0.87 ശതമാനമാണ്.

അതേസമയം രാജ്യത്തെ ഒമിക്രോണ്‍ ബാധിതരുടെ എണ്ണം 578 ആയി. 151 പേര്‍ രോഗമുക്തി നേടി. ഡല്‍ഹിയാണ് നിലവില്‍ ഒമിക്രോണ്‍ രോഗബാധിതുടെ പട്ടികയില്‍ ഒന്നാമത്. 147 ഒമിക്രോണ്‍ രോഗബാധിതരാണ് ഡല്‍ഹിയിലുള്ളത്. മഹാരാഷ്ട്രയില്‍ 141 ഒമിക്രോണ്‍ ബാധിതരാണുള്ളത്. 57 ഒമിക്രോണ്‍ കേസുകളാണ് കേരളത്തിലുള്ളത്.

ഇന്ത്യയില്‍ 80 ശതമാനം പേര്‍ ആദ്യ ഡോസ് വാക്‌സിനേഷന്‍ സ്വീകരിച്ചിട്ടുണ്ട്.