മക്ക: അല്ലാഹുവിൻ്റെ അതിഥികളായി മക്കയിലെത്തുന്ന ഹാജിമാർക്ക് വേണ്ടി നടത്തുന്ന സേവന പ്രവർത്തനങ്ങൾക്കായുള്ള വളണ്ടിയർ രജിസ്‌ട്രേഷൻ ആരംഭിച്ചു. സമസ്ത ഇസ്‌ലാമിക് സെൻ്റർ സഊദി നാഷണൽ കമ്മിറ്റിക്ക് കീഴിലുള്ള മക്ക സെൻട്രൽ കമ്മിറ്റിയാണ് മക്കയിൽ സന്നദ്ധ സേവനങ്ങൾക്ക് ഒരുങ്ങുന്ന പ്രവർത്തകരുടെ രജിസ്ട്രേഷന് തുടക്കം കുറിച്ചത്.

എസ് കെ എസ് എസ് എഫ് സ്റ്റേറ്റ് വൈസ് പ്രസിഡൻ്റ് റഷീദ് ഫൈസി വെള്ളായിക്കോട് മക്കയിലെ മുതിർന്ന പ്രവർത്തകൻ അസീസ് കൊളപ്പുറതെ ചേർത്ത് കൊണ്ട് രജിസ്‌ട്രേഷൻ ഉദ്ഘാടനം ചെയ്തു. സെൻട്രൽ കമ്മിറ്റി പ്രസിഡൻ്റ് ഉസ്മാൻ ദാരിമി അധ്യക്ഷനായി. നാഷണൽ വിഖായ ചെയർമാൻ സയ്യിദ് മാനു തങ്ങൾ, നാഷണൽ സെക്രട്ടറി ഫരീദ് ഐകരപടി, ഹറമൈൻ സോൺ പ്രസിഡൻ്റ് സയ്യിദ് സിദ്ദീഖ് തങ്ങൾ പാണക്കാട്, സിറാജ് പേരാമ്പ്ര, മുബഷിർ ബാവ അരീക്കോട്, മുനീർ ഫൈസി, സലാഹുദ്ദീൻ വാഫി, ഷരീഫ് തുടങ്ങിയർ സംബന്ധിച്ചു.