എടത്വ: കര്‍ഷകതൊഴിലാളി, വികലാംഗ, വിധവ, വാര്‍ദ്ധക്യ, അവിവാഹിത എന്നീ ക്ഷേമ പെന്‍ഷനുകള്‍ ഗുണഭോക്താക്കള്‍ക്ക് നേരിട്ട് സഹകരണ മേഖല വഴി വീടുകളില്‍ ഓണത്തിനുമുന്‍പ് എത്തിക്കുന്നതിന്റെ ഭാഗമായി തലവടി 805-ാം നമ്പര്‍ സര്‍വ്വീസ് സഹകരണ ബാങ്കിന്റെ നേതൃത്വത്തില്‍ പെന്‍ഷന്‍ വിതരണത്തിന്റെ ഉദ്ഘാടനം പ്രസിഡന്റ് പി.വി. ഉത്തമന്‍ കരുവേലില്‍ കെ.ഐ പീറ്ററുടെ വസതിയിലെത്തി കര്‍ഷകതൊഴിലാളി പെന്‍ഷന്റെ തുകയായ 7600 രൂപ അദ്ദേഹത്തിന് നല്‍കി നിര്‍വഹിച്ചു. ബോര്‍ഡ് മെമ്പര്‍മാരായ വര്‍ഗീസ് സി. ജോര്‍ജ്ജ്, പ്രകാശ് പനവേലി, സി.കെ. രാജന്‍, ഗായത്രി ബി.നായര്‍, തമ്പി മണമേല്‍, സൂസന്‍ മാത്യു, രാജഗോപാല്‍, ബിജി ജോര്‍ജ്ജ് എന്നിവര്‍ പ്രസംഗിച്ചു.