വടക്കാഞ്ചേരി: ഉപജില്ലാ സ്‌കൂള്‍ ഗെയിംസില്‍ 62 പോയിന്റോടെ ചേലക്കര ശ്രീമൂലം തിരുനാള്‍ ഹയര്‍ സെക്കന്‍ഡറി സ്‌കൂള്‍ ഓവറോള്‍ ചാംപ്യന്മാരായി. 61 പോയിന്റ് നേടിയ വടക്കാഞ്ചേരി ഗവണ്‍മെന്റ് ഹയര്‍ സെക്കന്‍ഡറി സ്‌കൂളിനാണ് രണ്ടാം സ്ഥാനം.
ആണ്‍കുട്ടികളുടെ വിഭാഗത്തില്‍ 60 പോയിന്റ് നേടിയ വടക്കാഞ്ചേരി ബോയ്‌സ് ഹയര്‍ സെക്കന്‍ഡറി സ്‌കൂളാണ് അഗ്രിഗേറ്റ് ചാംപ്യന്മാര്‍. പെണ്‍കുട്ടികളുടെ വിഭാഗത്തില്‍ 20 പോയിന്റോടെ ചേലക്കര ലിറ്റില്‍ ഫ്‌ളവര്‍ കോണ്‍വെന്റ് ഹയര്‍ സെക്കന്‍ഡറി സ്‌കൂളാണ് ചാംപ്യന്മാര്‍. ജൂനിയര്‍ ആണ്‍കുട്ടികളുടെ വിഭാഗത്തില്‍ എസ്.എം.ടി ചേലക്കരയും, സീനിയര്‍ ആണ്‍കുട്ടികളുടെ വിഭാഗത്തില്‍ വടക്കാഞ്ചേരി ഗവണ്‍മെന്റ് ബോയ്‌സ് ഹയര്‍ സെക്കന്‍ഡറി സ്‌കൂളുമാണ് ചാംപ്യന്മാര്‍.
ജൂനിയര്‍ പെണ്‍കുട്ടികളുടെ വിഭാഗത്തില്‍ ചേലക്കര ലിറ്റില്‍ ഫ്‌ളവറും, സീനിയര്‍ പെണ്‍കുട്ടികളുടെ വിഭാഗത്തില്‍ ചേലക്കര എസ്.എം.ടിയും ജേതാക്കളായി. വിജയികള്‍ക്കുള്ള ട്രോഫികളും, മെഡലുകളും സര്‍ട്ടിഫിക്കറ്റുകളും പിന്നീട് വിതരണം ചെയ്യുമെന്ന് സ്‌പോട്‌സ് ഗെയിംസ് അസോസിയേഷന്‍ സെക്രട്ടറി എം.പി ഫ്രാന്‍സിസ് അറിയിച്ചു.