വിദേശ പഠനം ആഗ്രഹിക്കുന്ന വിദ്യാർഥികൾക്ക് വെല്ലുവിളിയായി നിൽക്കുന്നത് ട്യൂഷൻ ഫീസ് ഉൾപ്പെടുന്ന സാമ്പത്തിക ചിലവുകൾ ആണ്. പലപ്പോഴും ഇത് അന്യനാടുകളിലേക്കുള്ള വിദ്യാർത്ഥികളുടെ അക്കാദമി പ്രവേശനത്തെ ബാധിക്കുന്നു. അവിടെയാണ് സ്കോളർഷിപ്പുകളെകുറിച്ചും മറ്റു ഫെലോഷിപ്പുകളെ കുറിച്ചും ഉപരിപഠനം ആഗ്രഹിക്കുന്നവർ അറിഞ്ഞിരിക്കേണ്ടത്.

ഇന്ത്യൻ വിദ്യാർഥികൾക്ക് മാത്രമായി നൽകിവരുന്ന ഏറ്റവും മികച്ച 3  സ്കോളർഷിപ്പുകൾ പരിശോധിക്കാം. 

◆ചെവനിങ് സ്കോളർഷിപ്പ് 

മികച്ച സ്കോളർഷിപ്പുകൾ ഒന്നാണ് ചെവനിങ് സ്കോളർഷിപ്പുകൾ. ഇത് അപേക്ഷിക്കുന്ന വിദ്യാർത്ഥികളിൽ രണ്ടോ മൂന്നോ ശതമാനം പേർക്ക് മാത്രമാണ് ലഭിക്കുന്നത്. യുകെ ഗവൺമെന്റാണിത് നൽകുന്നത്. അക്കാദമിക്ക്സിൽ മികച്ചുനിൽക്കുന്ന വിദ്യാർഥികളെയാണ് ഗവൺമെന്റ് സ്കോളർഷിപ്പിനായി തിരഞ്ഞെടുക്കുന്നത്. ഇതുവഴി യുകെയിൽ ഒരു വർഷത്തെ പിജിക്ക് വിദ്യാർഥികൾക്ക് അവസരം നേടാം. ഉദ്യോഗാർഥികൾക്ക് കുറഞ്ഞത് രണ്ടു വർഷത്തെ വർക്ക് എക്സ്പീരിയൻസ് ആണ് ഒരു പ്രധാന മാനദണ്ഡം.

◆ഇൻലാക്സ് സ്കോളർഷിപ്പ് 

ഇന്ത്യക്ക് പുറത്ത് പിജി പ്രോഗ്രാമുകൾ പഠിക്കുന്ന വിദ്യാർത്ഥികൾക്ക് ആശ്രയിക്കാവുന്ന ഒരു സ്കോളർഷിപ്പ് ആണ് ഇൻലാക്സ് ശിവദാനി ഫൗണ്ടേഷൻ സ്കോളർഷിപ്പ്. മെറിറ്റ് അടിസ്ഥാനമാക്കിയാണ് ഇത് നൽകുന്നത്. മുഴുവൻ സമയ മാസ്റ്റർ, എംഫിൽ അല്ലെങ്കിൽ യുകെ, യൂറോപ്പ്, യുഎസ് എന്നിവിടങ്ങളിലെ പ്രമുഖ സർവ്വകലാശാലകളിലെ ഡോക്ടറൽ പ്രോഗ്രാമുകൾ തുടങ്ങിയവ ചെയ്യുന്ന വിദ്യാർഥികൾക്കാണ് സ്കോളർഷിപ്പിന് അവസരം. ഇന്ത്യൻ പൗരൻ ആയിരിക്കണം എന്നതാണ് സ്കോളർഷിപ്പിന് പ്രധാന മാനദണ്ഡം. കൂടാതെ 30 വയസ്സിനപ്പുറം പ്രായവും പാടില്ല. രാജ്യത്തെ അംഗീകരിച്ച സർവകലാശാലയിൽ നിന്നുള്ള ബിരുദമാണ് ഇന്ത്യൻ വിദ്യാർഥികൾക്ക് സ്കോളർഷിപ്പ് നേടാം ആവശ്യം.

◆ഫുൾബ്രൈറ്റ് നെഹ്റു മാസ്റ്റേഴ്സ് ഫെലോഷിപ്പ് 

യുഎസിൽ ഉപരിപഠനം ആഗ്രഹിക്കുന്നവർക്ക് ഏറ്റവും മികച്ച ഫെലോഷിപ്പ് ആണ് ഫുൾബ്രൈറ്റ് നെഹ്റു മാസ്റ്റേഴ്സ്. 55 ശതമാനം മാർക്കോടെ ബിരുദം പാസായവർക്കാണ് അപേക്ഷിക്കാനുള്ള അവസരം. ഇത് യുഎസിലെ ബാച്ചിലർ ബിരുദത്തിന് തുല്യമായിരിക്കണം. ഇന്ത്യയിലെ നാലുവർഷം ബിരുദമോ പിജി ബിരുദമോ ആവശ്യമായിവരും. അല്ലെങ്കിൽ മൂന്നു വർഷ ബിരുദവും ഫുൾടൈം പിജി ഡിപ്ലോമയും മതിയാവും. കുറഞ്ഞത് മൂന്നു വർഷമെങ്കിലും പ്രൊഫഷണൽ പരിചയവും ഫെലോഷിപ്പിന്റെ യോഗ്യതാമാനദണ്ഡമാണ്. വിദ്യാർഥികൾക്ക് വലിയൊരു തുകയാണ് ഫെലോഷിപ്പായി ലഭിക്കുക. യാത്രാ, പഠനം, താമസം, വിസ, ഇൻഷുറൻസ് തുടങ്ങിയവയ്ക്കെല്ലാം സാമ്പത്തിക സഹായവും ലഭിക്കും. എൻവിറോൺമെന്റൽ സ്റ്റഡി, ഇക്കണോമിക്സ്, രാജ്യാന്തര വിനിമയം, ജേർണലിസം, പൊതുഭരണം, പൊതുജനാരോഗ്യം, നഗരാസൂത്രണം, ജനറൽ സ്റ്റഡീസ്, ഉന്നതവിദ്യാഭ്യാസ ഭരണം, വുമൺ സ്റ്റഡീസ്,ജൻഡർ സ്റ്റഡീസ് തുടങ്ങിയവയിൽ അഭിരുചിക്കനുസരിച്ച് വിഷയങ്ങൾ തിരഞ്ഞെടുക്കാം.

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക