കൊച്ചി: തിരുവാണിയൂരില്‍ പ്ലസ് വണ്‍ വിദ്യാര്‍ഥിനിയെ പാറമടയില്‍ മരിച്ച നിലയില്‍ കണ്ടെത്തി. വീട്ടില്‍ നിന്നും സ്‌കൂളിലേക്ക് പോയ പെണ്‍കുട്ടിയാണ് മരിച്ചത്. ചോറ്റാനിക്കര ഗവ. വി.എച്ച്.എസ്.ഇയിലെ വിദ്യാര്‍ഥിനിയാണ്. 

കക്കാട് കരയിലെ പാറമടയിലെ വെള്ളത്തിലാണ് 16 കാരിയുടെ മൃതദേഹം കണ്ടെത്തിയത്. 9 മണിയോടെ മൃതദേഹം കണ്ട നാട്ടുകാര്‍ വിവരം ചോറ്റാനിക്കര പൊലിസിനെ അറിയിക്കുകയായിരുന്നു. ഇന്‍ക്വസ്റ്റ് നടപടികള്‍ പൂര്‍ത്തിയാക്കിയതിന് ശേഷം മൃതദേഹം പോസ്റ്റ്‌മോര്‍ട്ടത്തിനയച്ചു. പോസ്റ്റ്‌മോര്‍ട്ടത്തിന് ശേഷം മാത്രമേ മരണകാരണം അറിയാന്‍ സാധിക്കുകയുള്ളൂവെന്ന് പൊലിസ് വ്യക്തമാക്കി. 

രാവിലെ പതിവുപോലെ 7.45 നാണ് പെണ്‍കുട്ടി വീട്ടില്‍ നിന്നും ഇറങ്ങിയത്. ആദ്യം ട്യൂഷനും പിന്നീട് സ്‌കൂളിലേക്കുമാണ് പെണ്‍കുട്ടി പോകാറുള്ളത്. കുട്ടിയുടെ ബാഗും പുസ്തകങ്ങളും ലഞ്ച്‌ബോക്‌സുമടക്കം പാറമടയ്ക്ക് അരികില്‍ നിന്ന് കണ്ടെത്തിയിട്ടുണ്ട്. ആത്മഹത്യാണെന്നാണ് പ്രാഥമിക നിഗമനം. അസ്വാഭാവിക മരണത്തിനാണ് പൊലിസ് നിലവില്‍ കേസെടുത്തിട്ടുള്ളത്. 

A Plus One student was found dead in a quarry at Thiruvaniyoor near Kochi, triggering a police investigation. The 16-year-old girl, a student of Chottanikkara Government VHSE, had left home in the morning for tuition and school but did not reach her destination.