തിരുവനന്തപുരം: വി.എസ്. അച്യുതാനന്ദന്‍ ജീവിച്ചിരുന്നെങ്കില്‍ പത്മവിഭൂഷന്‍ അവാര്‍ഡ് സ്വീകരിക്കുമായിരുന്നില്ലെന്ന് സിപിഎം ജനറല്‍ സെക്രട്ടറി എം.എ ബേബി. തന്നെ തിരഞ്ഞെടുത്തതിന് നന്ദി പറഞ്ഞുകൊണ്ട് ഇത്തരം പുരസ്‌കാരങ്ങള്‍ സ്വീകരിക്കുന്ന രീതി പാര്‍ട്ടിക്കില്ലെന്ന് വിഎസ് വ്യക്തമാക്കുമായിരുന്നുവെന്ന് വിഎസ് വ്യക്തമാക്കുമായിരുന്നുവെന്നും എം.എ ബേബി പ്രതികരിച്ചു.

വി.എസ്. ജീവിച്ചിരിപ്പില്ലാത്ത സാഹചര്യത്തില്‍ അദ്ദേഹത്തിന്റെ കുടുംബമാണ് പുരസ്‌കാരത്തോട് പ്രതികരിച്ചിട്ടുള്ളത്. കുടുംബം ഇതില്‍ സന്തോഷം പ്രകടിപ്പിച്ചിട്ടുണ്ട്. വി.എസ്സിനെ അംഗീകരിച്ചതില്‍ സന്തോഷമുണ്ടെന്നും എന്നാല്‍ പുരസ്‌കാരം കൈപ്പറ്റണമോ എന്ന കാര്യത്തില്‍ കുടുംബമാണ് തീരുമാനമെടുക്കേണ്ടതെന്നും അദ്ദേഹം വ്യക്തമാക്കി.

അതേസമയം വിഎസിന് ലഭിച്ച പത്മ വിഭൂഷണ്‍ സിപിഎം സംസ്ഥാന സെക്രട്ടറി എം.വി.ഗോവിന്ദന്‍ സ്വാഗതം ചെയ്തിരുന്നു. സിപിഎം നേതാക്കള്‍ മുമ്പ് പുരസ്‌കാരം തിരസ്‌കരിച്ചത് വ്യക്തിപരമാണെന്നും അദ്ദേഹം വ്യക്തമാക്കുകയുണ്ടായി.

പത്മവിഭൂഷന്‍ പുരസ്‌കാരം വാങ്ങുന്നത് സംബന്ധിച്ച നിലപാട് വ്യക്തമാക്കി വിഎസ് അച്യുതാനന്ദന്റെ മകന്‍ വി.എ അരുണ്‍കുമാര്‍ രംഗത്തെത്തിയിരുന്നു. പുരസ്‌കാരം സ്വീകരിക്കുന്ന കാര്യത്തില്‍ അന്തിമ തൂരുമാനമെടുത്തിട്ടില്ലെന്നും സിപിഎം നേതൃത്വവുമായി ആലോചിച്ച് ശേഷമായിരിക്കും തീരുമാനമെടുക്കുമെന്ന്് അരുണ്‍ കുമാര്‍ വ്യക്തമാക്കി.