ഇന്ത്യയും ഓസ്‌ട്രേലിയയും തമ്മില്‍ ആരംഭിക്കുന്ന ബോര്‍ഡര്‍-ഗവാസ്‌കര്‍ ട്രോഫി നവംബര്‍ 22ന് ആരംഭിക്കുമെന്ന് ഓസ്‌ട്രേലിയന്‍ ക്രിക്കറ്റ് ബോര്‍ഡ് അറിയിച്ചു. പെര്‍ത്ത് ആണ് ആദ്യ ടെസ്റ്റിന് വേദിയാവുക. അഞ്ച് ടെസ്റ്റുകള്‍ അടങ്ങിയ പരമ്പരയില്‍ മറ്റു വേദികള്‍ ബ്രിസ്‌ബെയ്ന്‍,മെല്‍ബണ്‍,സിഡ്‌നി,അഡ്‌ലെയ്ഡ് എന്നിവിടങ്ങളാണ്.

പെര്‍ത്തിലെ പുതിയ വേദി ഓസ്‌ട്രേലിയയുടെ ഭാഗ്യ ഗ്രൗണ്ടുകളിലൊന്നാണ്. അവസാനം കളിച്ച നാല് മത്സരങ്ങളിലും വിജയം ഓസ്ട്രേലിയക്കൊപ്പമായിരുന്നു. ഡിസംബര്‍ 6 നാണ് അഡ്ലൈഡിലാണ് രണ്ടാം ടെസ്റ്റ് ആരംഭിക്കുന്നത്. കഴിഞ്ഞ ഓസ്ട്രേലിയന്‍ പര്യടനത്തില്‍ ഇന്ത്യയുടെ വിശ്വവിഖ്യാത വിജയത്തിന് സാക്ഷ്യംവഹിച്ച ഗാബയിലാണ് മൂന്നാം ടെസ്റ്റ്. പ്രസിദ്ധമായ ബോക്‌സിംഗ് ടെസ്റ്റുകള്‍ നടക്കുന്നത് എം സി ജിയിലും എസ് സി ജിയിലും ആണ്.