HOME
DETAILS

കുറവുള്ളത് 2954 സീറ്റുകള്‍ മാത്രമെന്ന് വിദ്യാഭ്യാസ മന്ത്രി; മലപ്പുറത്ത് പ്ലസ് വണ്‍ സീറ്റ് പ്രതിസന്ധിയില്ലെന്ന് വരുത്തി തീര്‍ക്കാന്‍ 'കണക്ക് തെറ്റിച്ച്' സര്‍ക്കാര്‍

  
Web Desk
June 22 2024 | 07:06 AM

Government's 'false calculation' to make it clear that there is no plus one seat crisis in Malappuram

മലപ്പുറം: മലപ്പുറം ജില്ലയില്‍ പ്ലസ് വണ്‍ സീറ്റ് പ്രതിസന്ധിയില്ലെന്നും നടക്കുന്നത് രാഷ്ട്രീയ പ്രേരിത സമരമെന്നും വരുത്തി തീര്‍ക്കാന്‍ പുതിയ കണക്കുമായി എത്തിയിരിക്കുകയാണ് സര്‍ക്കാര്‍. പ്രവേശനം നേടാത്തവരേയും മറ്റു ജില്ലകളില്‍ നിന്നുള്ള അപേക്ഷകരേയുമെല്ലാം വെട്ടിയാണ് സര്‍ക്കാര്‍ പുതിയ കണക്ക് അവതരിപ്പിച്ചിരിക്കുന്നത്. 

മലപ്പുറം ജില്ലയില്‍ 2954 സീറ്റുകള്‍ മാത്രമാണ് കുറവുള്ളതെന്നാണ് വിദ്യാഭ്യാസമന്ത്രി വി.ശിവന്‍കുട്ടി സഭയില്‍ പറഞ്ഞത്. പ്ലസ് വണ്‍ പ്രവേശനത്തിന്റെ പേരില്‍ കേരളത്തില്‍ നടക്കുന്നത് രാഷ്ട്രീയപ്രേരിതമായ സമരമാണെന്നും മന്ത്രി പറഞ്ഞു വെക്കുന്നു. മലപ്പുറത്ത് 14,307 വിദ്യാര്‍ഥികളാണ് പ്രവേശനം കാത്തിരിക്കുന്നത്. 11,000ത്തിലേറെ സീറ്റുകള്‍ അണ്‍ എയ്ഡ് ഒഴികെയുള്ള മേഖലകളില്‍ ബാക്കിയുണ്ട്. പ്ലസ് വണ്‍ അലോട്ട്‌മെന്റുകള്‍ ഇനിയും നടക്കാനുണ്ടെന്നും മന്ത്രി വിശദീകരിക്കുന്നു. 

എന്നാല്‍ പുതിയ കണക്ക് അവതരിപ്പിക്കുന്നത് ഇഷ്ടവിഷയം ലഭിക്കാത്തതിനാല്‍ പ്രവേശനം നേടാത്ത വിദ്യാര്‍ഥികളുടെ അപേക്ഷകരുടെ എണ്ണത്തില്‍ നിന്ന് കുറച്ചാണെന്ന് റിപ്പോര്‍ട്ടുകള്‍ ചൂണ്ടിക്കാട്ടുന്നു. മറ്റു ജില്ലകളില്‍ നിന്നുള്ള അപേക്ഷകരെയും കണക്കില്‍ നിന്ന് ഒഴിവാക്കിയിട്ടുണ്ട്. ഉയര്‍ന്ന ഫീസ് കൊടുത്തു പഠിക്കേണ്ട സ്വശ്രയ സീറ്റുകളെകൂടി ഉള്‍പ്പെടുത്തിയാണ് സീറ്റുക്ഷാമം ഇല്ലെന്ന് വരുത്തിതീര്‍ക്കുന്നതെന്നും റിപ്പോര്‍ട്ടുകള്‍ വ്യക്തമാക്കുന്നു.  

ഇഷ്ട വിഷയം കിട്ടാത്തതിനാല്‍ പ്രവേശനം നേടാത്ത 10,897 പേര്‍ അപേക്ഷകര്‍ കണക്കിലില്ല. ജില്ലക്ക് പുറത്ത് മേല്‍വിലാസമുള്ള 7,606 പേരും സര്‍ക്കാറിന്റെ പുതിയ കണക്കില്‍ പെടുന്നില്ല. ജില്ലയില്‍ വന്നു താമസിക്കുന്നവരും അതിര്‍ത്തി പ്രദേശത്തുള്ളവരും കണക്കിന് പുറത്താണ്. 82,446 ആണ് യഥാര്‍ഥ അപേക്ഷകര്‍.എന്നാല്‍ സര്‍ക്കാറിന്റെ കണക്കില്‍ അപേക്ഷകര്‍ 74,840 മാത്രമാണ്.

 

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."