കണ്ണൂർ: കേരളത്തിലെ പ്രധാന വിമാനത്താവളങ്ങളിലൊന്നായ കണ്ണൂർ അന്താരാഷ്ട്ര വിമാനത്താവളത്തിന്റെ പ്രവർത്തനത്തിന് മയിലുകൾ ഭീഷണിയാകുന്നു. വിമാനത്താവള പ്രദേശത്ത് മയിലുകൾ തുടർച്ചയായി വിമാനയാത്രയ്ക്ക് തടസം സൃഷ്ടിക്കുന്ന രീതിയിൽ എത്തുന്നുണ്ട്. ഈ സാഹചര്യത്തിൽ നാളെ അടിയന്തിര യോഗം ചേരും. വനം വകുപ്പ് മന്ത്രി എ.കെ ശശീന്ദ്രന്റെ അധ്യക്ഷതയിലാണ് നാളെ യോ​ഗം ചേരും. 

മയിലുകളുടെ സാന്നിധ്യം സംബന്ധിച്ച് ചർച്ച ചെയ്യാനുള്ള യോഗം വെള്ളിയാഴ്ച രാവിലെ പത്ത് മണിക്ക് കണ്ണൂർ വിമാനത്താവളത്തിൽ ചേരും. മന്ത്രിക്കൊപ്പം ചീഫ് വൈൽഡ് ലൈഫ് വാർഡൻ, എയർപോർട്ട്, വനം വകുപ്പ് ഉദ്യോഗസ്ഥർ തുടങ്ങിയവർ യോഗത്തിൽ സംബന്ധിക്കുമെന്ന് അധികൃതർ അറിയിച്ചു.