മഴക്കാലമല്ലേ..തിമിര്‍ത്തു പെയ്യുന്ന മഴയും കണ്ട് ഒരു കട്ടനൊക്കെ കുടിച്ചിരിക്കുമ്പോള്‍ ഒപ്പം കഴിക്കാന്‍ ഒരു കിടിലന്‍ കാടമുട്ട ഫ്രൈ തയ്യാറാക്കിയാലോ..

ആവശ്യമുള്ള വിഭവങ്ങള്‍

കാന്താരിമുളക് (ഉണ്ടെങ്കില്‍) നാലോ അഞ്ചോ
പച്ചമുളക് മൂന്നോ നാലോ(എരിവനുസരിച്ച്) 
മല്ലിച്ചപ്പ് ഒരു പിടി
പൊതിന കുറച്ച് 
ചെറിയ ഉള്ളി നാലോ അഞ്ചോ 
ഒരു കഷ്ണം ഇഞ്ചി
ഉപ്പ് പാകത്തിന് 
കുരുമുളക് പൊടി
വെളിച്ചെണ്ണ 

കാടമുട്ട പുഴുങ്ങിയെടുക്കുക. കാന്താരിമുളക് (ഉണ്ടെങ്കില്‍), പച്ചമുളക്, മല്ലച്ചപ്പ്,പൊതിന,ചെറിയ ഉള്ളി ഒരു കഷ്ണം ഇഞ്ചി മിക്‌സില്‍ അരച്ചെടുക്കുക. (കാന്താരി മുളക് ഇല്ലെങ്കില്‍ പച്ചമുളക് ഉപയോഗിക്കാം). പാന്‍ എടുത്ത് അടുപ്പത്ത് വെക്കുക. തീ കത്തിച്ച് വെളിച്ചെണ്ണ ഒഴിക്കുക. രണ്ടു തണ്ട് കറിവേപ്പില ഇടുക. അതിലേക്ക് മുഴുങ്ങി വെച്ച മുട്ടയും അതിന്റെ മേലെ കുറച്ച് കുരുമുളക് പൊടിയിടുക. മുട്ടയുടെ പുറംഭാഗം ഒന്ന് മൊരിയുന്നത് വരെ ഇളക്കിയെടുക്കുക. അരച്ചു വെച്ച മസാല ചേര്‍ത്ത് ഡ്രൈ ആവുന്നത് വരെ ഇളക്കുക. കിടിലന്‍ കാടമുട്ട ഫ്രൈ തയ്യാര്‍.