HOME
DETAILS

LPG ഗ്യാസ് കണക്ഷന്‍ മസ്റ്ററിങ് ചെയ്തില്ലെങ്കില്‍ അടുത്ത തവണ ബുക്കിങ് സാധിക്കില്ലേ?... അവസാന തീയതി എന്ന്?...

  
July 11 2024 | 10:07 AM

lpg aadhar mustering-complete details-latest

ആധാറിലെ വിവരങ്ങള്‍ എല്‍പിജി കണക്ഷനുമായി ബന്ധിപ്പിക്കുന്നതാണ് ഇലക്ട്രോണിക് കെ വൈ സി അഥവാ മസ്റ്ററിംഗ്. എല്‍പിജി ഗ്യാസ് കണക്ഷന്‍ മസ്റ്ററിങ് ചെയ്യേണ്ടത് നിര്‍ബന്ധമാണ്. ഗ്യാസ് സിലിണ്ടര്‍ യഥാര്‍ത്ഥ ഉപഭോക്താവിന്റെ കൈയ്യില്‍ തന്നെ ആണോയെന്ന് പരിശോധിച്ച് ഉറപ്പിക്കാനാണ് മസ്റ്ററിംഗ് നിര്‍ബന്ധമാക്കുന്നത്. 

എന്നാല്‍ മസ്റ്ററിങ് ചെയ്യേണ്ട അവസാന തീയതി ഇതുവരെ പ്രഖ്യാപിച്ചിട്ടില്ല. ഉടന്‍ പ്രഖ്യാപിക്കുമെന്നാണ് സൂചന.അതിന് ശേഷം മസ്റ്ററിംഗ് ഇല്ലെങ്കില്‍ ബുക്കിംഗ് അനുവദിക്കില്ലെന്നാണ് നിലവില്‍ പുറത്തുവരുന്ന റിപ്പോര്‍ട്ടുകള്‍.

എല്ലാ ഉപഭോക്താക്കളും എത്രയും വേഗം മസ്റ്ററിംഗ് നടത്തണം. ഉപഭോക്താവ് വിദേശത്തോ, അല്ലെങ്കില്‍ മരിച്ച് പോയതോ കിടപ്പ് രോഗിയോ ആണെങ്കില്‍ കണക്ഷന്‍ റേഷന്‍ കാര്‍ഡിലുള്ള മറ്റൊരാളുടെ പേരിലേക്ക് മാറ്റണം. 

അഥവാ നേരിട്ടെത്താന്‍ കഴിഞ്ഞില്ലെങ്കില്‍ ഇന്ധന വിതരണ കമ്പനികളുടെ ആപ്പിലൂടെയും മസ്റ്ററിങ് നടത്താം.അതിനായി കമ്പനികളുടെ മൊബൈല്‍ ആപ്പ്, ആധാര്‍ ഫേസ് റെക്കഗിനേഷന്‍ ആപ്പ് എന്നിവ ഡൗണ്‍ലോഡ് ചെയ്യണം. നടപടികള്‍ ശരിയായെങ്കില്‍ മൊബൈലിലേക്ക് കണ്‍ഫര്‍മേഷന്‍ മെസേജ് എത്തും.

എന്നാല്‍ സമയപരിധി അവസാനിക്കാറായി എന്ന ധാരണയില്‍ നിരവധി പേരാണ് അക്ഷയ സെന്ററുകളിലേക്ക് എത്തുന്നത്. പല അക്ഷയ സെന്ററുകളിലും നല്ല തിരക്കാണ് അനുഭവപ്പെടുന്നത്. 

 

 

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."