HOME
DETAILS

സവാള അരിഞ്ഞത് ബാക്കിവരാറുണ്ടോ.., എന്നാല്‍ ഇങ്ങനെ ഒന്നു ചെയ്തു നോക്കൂ

  
Web Desk
July 11 2024 | 13:07 PM

Do you have any leftover onions?

 ഒരു ദിവസം ഒരു സവാളയെങ്കിലും ഉപയോഗിക്കാത്ത മലയാളികളുടെ വീട് ഉണ്ടാവില്ല എന്നു തന്നെ പറയാം. കറിവയ്ക്കാനും ബിരിയാണി ഉണ്ടാക്കാനും ഉപ്പേരിവയ്ക്കാനുമൊക്കെ സവാള അത്യാവശ്യമാണ്.

 വിലക്കുറവുകളിലും ഓഫറുകളിലുമൊക്കെ നമ്മള്‍ കൂടുതല്‍ സവാള വാങ്ങിവയ്ക്കാറുണ്ട്. എന്നാല്‍ കുറച്ച് നാള്‍ കഴിയുമ്പോഴേക്ക് അത് ചീഞ്ഞ് പോകുന്നതും കാണാം. എന്നാല്‍ ദീര്‍ഘനാളുകള്‍ സവാള കേടാകാതെ സൂക്ഷിക്കാന്‍ ചില പൊടിക്കൈകള്‍ ഇതാ.

 

oni22.PNG

ഒരു കാരണവശാലും സവാളയ്ക്കൊപ്പം ഉരുളക്കിഴങ്ങോ അല്ലെങ്കില്‍ തക്കാളിയോ മറ്റെന്തെങ്കിലും പച്ചക്കറിയോ സൂക്ഷിക്കരുത്. അങ്ങനെ വച്ചാല്‍ സവാള പെട്ടെന്ന് ചീഞ്ഞുപോകും. സവാളയുടെ തൊലി നനയുകയും ചെയ്യരുത്. ഈര്‍പ്പം ഒട്ടുമില്ലാത്തയിടത്ത് വേണം സവാള സൂക്ഷിക്കാന്‍.

ഉപയോഗിച്ച് ബാക്കി വന്ന സവാള കേടുകൂടാതെ ഒരാഴ്ചയോളം സൂക്ഷിക്കാനും ചില വഴികളുണ്ട്. സവാള കനം കുറച്ച് അരിഞ്ഞ് വായു ഒട്ടും കടക്കാത്ത ഒരു ബോക്‌സില്‍ അടച്ച് ഫ്രിഡ്ജില്‍ സൂക്ഷിക്കാം.

 

onio.PNG

അല്ലെങ്കില്‍ ചെറു കഷണങ്ങളായി അരിഞ്ഞ സവാള സിപ് ലോക്ക് ബാഗുകളിലാക്കി ഫ്രീസറില്‍ വയ്ക്കാം. ആവശ്യത്തിന് ഉപയോഗിക്കുകയും ചെയ്യാം. തീരെ നിവൃത്തിയില്ലെങ്കിലേ അരിഞ്ഞ സവാള ഫ്രിഡ്ജില്‍ വച്ച് ഉപയോഗിക്കാവൂ. മാത്രമല്ല ഉപയോഗിക്കുന്നതിന് മുമ്പ് ചീത്തയായിട്ടില്ലെന്ന് ഉറപ്പുവരുത്തുകയും വേണം. കഴിവതും ഫ്രഷായി അപ്പോള്‍ തന്നെ ഉപയോഗിക്കുന്നതാണ് നല്ലത്. 

`



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."