ന്യൂയോർക്ക്: കോപാ അമേരിക്കയിൽ ഏറ്റവും കൂടുതൽ അസിസറ്റ് നൽകുന്ന താരമെന്ന ലയണൽ മെസ്സിയുടെ റെക്കോർഡ് ഇനി പഴങ്കഥ. കൊളംബിയൻ താരം ജെയിംസ് റോഡ്രിഗസാണ് ഈ റെക്കോർഡ് തകർത്തത്. ഇന്നലെ ഉറുഗ്വെക്കെതിരേയുള്ള സെമി ഫൈനലിൽ അസിസ്റ്റ് നൽകിയതോടെയായിരുന്നു ജെയിംസ് പുതിയ റെക്കോർഡിന് അർഹനായയത്. 

സെമിയിൽ ജെയിംസ് റോഡ്രിഗസിന്റെ അസിസ്റ്റിൽ നിന്നാണ് ജെഫേഴ്‌സൻ ലെർമ കൊളംബിയയുടെ വിജയഗോൾ നേടിയത്. ഇതോടെയായിരുന്നു താരം റെക്കോർഡ് തകർത്തത്. ആറു അസിസ്റ്റാണ് റോഡ്രിഗസ് നേടിയത്. മെസ്സിയുടെ പേരിലുണ്ടായിരുന്ന അഞ്ച് അസിസ്റ്റ് എന്നാതിയിരുന്നു നേരത്തെയുണ്ടായിരുന്ന റെക്കോർഡ്. കോപായിൽ കൊളംബിയ ഇതുവരെ അഞ്ചു മത്സരമായിരുന്നു കളിച്ചത്. അതിൽ നാല് മത്സരത്തിലെയും മാൻ ഓഫ് ദ മാച്ച് പുരസ്‌കാരവും റോഡ്രിഗ്രസ് നേടിയിട്ടുണ്ട്. ഉറുഗ്വെക്കെതിരേയുള്ള ഇന്നലത്തെ മത്സരത്തിലും റോഡ്രിഗസ് തന്നെയായിരുന്നു കളിയിയിലെ താരം. 

പനാമക്കെതിരേയുള്ള മത്സരത്തിൽ പെനാൽറ്റിയിൽനിന്ന് ഗോൾ നേടിയ റോഡ്രിഗസ് തന്നെയായിരുന്നു എല്ലാ മത്സരത്തിലും ടീമിനെ വിജയത്തിലേക്കെത്തിച്ചത്.